Tarbaǵataıdaǵy qýanysh toıy...

Tasqyn sý basqan aımaqtarda turǵyn úıler paıdalanýǵa berilýde Kendi Altaıdaǵy bıylǵy sura­pyl qys myńdaǵan adamdardyń jú­re­gine umytylmas jarasyn salyp ket­keni belgili. Tarbaǵataı aýdany­nyń Jánti­keı, Kókjyra, Qyzyl­ke­sik, Zaısan aýdanynyń Tasbastaý, Kúr­shim aýda­ny­nyń or­ta­lyǵy men Ma­raldy jáne basqa da birqatar  eldi mekenderde kúrt  jylyǵan kún qalyń qardy eri­tip, tasqyn sý bes júzden astam tur­ǵyn úıdi, ondaǵan myń maldy jaı­ra­typ saldy. Syn sátte Elbasy qam­qor­lyq qolyn so­zyp, mol qarjy bólgizdi, Úkimet bas­shy­la­ryn apat aımaqtaryna jiberdi, shyǵyn mólsherin anyqtady. Shy­ǵysqa on mıllıard teńgege jýyq qarjy qajet ekeni anyqtaldy. О́tken sársenbi-beısenbi kún­deri oblys ákimi B.Saparbaev basta­ǵan quqyq qorǵaý organdary basshy­la­ry Kókpekti jáne Tar­ba­ǵataı aýdandaryndaǵy alty-jeti aýylda kez­desýler ótkizdi. Aqsýat aýylyn­daǵy kezdesýde tyl arda­geri M.Nur­bekova degen ana jańa ınternat úıi­niń óz balalaryna qajet ekendigin, joldardy jón­deý­ge qarjy bó­lýdi ótindi. Oblys ákimi “Jol kar­tasy” boı­ynsha júzdegen tarbaǵa­taı­lyq­tar­dyń jumysqa ornalas­qa­nyn, bıyl joldardy jóndeýge 18 mıl­lıard teńge bólingenin habardar etti. Kókjyralyqtar da oblys ákimi bastaǵan topty jyly qarsy aldy. Bul joly óńir basshysy 15 adamǵa jańa úılerdiń kiltin saltanatty jaǵdaıda tabys etti. Solardyń biri – Eńbek Eri Qazbek Demeýbaev qarııa. Qazbek qarııany munyń aldynda da 9 mamyrda Kókjyrada jolyqtyrǵanbyz. Sol joly elge syıly qarııa óńir basshysyna alǵysyn aıtyp “Aınalaıyn, Berdi­bek balam, siz elge jaqyn azamat eken­siz, demek, kókjyralyqtar úısiz qalmaıdy degen senimdemin” degen. Sol sóziniń shyndyqqa aınalǵanyn tebirenip turyp el aldynda aıtyp berdi. – Qurmetti kókjyralyqtar, jańa baspana qutty bolsyn! Eń aldymen, sizderdiń attaryńyzdan kórsetken qamqorlyǵy úshin Elbasy N. Nazarbaevqa alǵys aıtqym keledi. Búgin, mine, 15 tur­ǵyn úıdiń kiltin alyp tursyzdar. Kúrshim, Tasbastaý aýyldarynda da úı kiltteri zardap shekken adamdarǵa berildi. Qyzyl­ke­sik aýylynda da búgin páter kiltteri tapsyrylmaq. Osy joly Samar aýy­lynda turǵyndarmen kezdesýde Laıly sý toǵanynyń qurylysyn salý úshin oblystyq bıýdjetten 91 mıllıon teńge bólingenin aıttym. Onyń qurylysy 1 qarashaǵa deıin aıaqtalýy tıis. Ýaqyt júrdek, zymy­rap ótip jatyr, endeshe qal­ǵan eki aıdy tıimdi paıdalaný qajet. Kók­jy­radaǵy úılerdi 1 qyrkúıekke deıin bitirip, kom­mýnıkasııa, jol­dar­dy tez aıaqtaý qajet. Mektep, bas­qa da áleýmettik ǵımarattardy tez ári sapaly salatyn ýaqyt jetti, dedi oblys ákimi. Jántikeı aýylynda qurylys sál baıaý. Qazir munda 127 úı sha­tyr­lanyp, 191 úıdiń qabyr­ǵasy kó­terilipti. Oblys ákimi B.Sa­parbaev qurylysty júrgizip jatqan mekeme basshylaryna naqty tapsyr­malar berdi. Al onyń barysyn qada­ǵa­laýdy óz orynbasary Serik Táýkebaevqa tapsyrdy. О́ńir basshysy burynǵy aýdan ortalyǵy Aqjarda boldy. Birqatar ujymdarda bolyp, halyqpen áńgi­me­lesti. Aýylda balalar demalatyn oryndar joq, sý tapshylyǵy baıqalady. Al Táýke aýylynda da tasqyn kezinde onǵa tarta úı jaramsyz bolyp qalǵan. Endi kelip jańa úılerdiń kiltine úıleri bar, zardap shekpegender ıe bolǵan. Oblys basshysy bul máseleni anyqtaýdy aýdan ákimine tapsyrdy. Ońdasyn ELÝBAI. Shyǵys Qazaqstan oblysy, Tarbaǵataı aýdany. ____________________________________ Sýretti túsirgen Esimhan ORYNBAEV.