Kezdesý orny - Ońtústik

Qazaqstan Boks federasııasynyń kýbo­gy jolyndaǵy matchtyq kezdesýler odan ári jalǵasýda. Sonyń kezektisi senbi kúni Shym­kentte “Ońtústik” dıvızıonyna kire­tin Ońtústik Qazaqstan men Qyzylorda oblystarynyń arasynda ótti. Kýbok jo­lyn­daǵy jekpe-jekter bastalǵannan beri al­ǵash ret ashyq aspan astynda ótken aı­qas­ta alań ıeleri 29:6 esebimen basyp tústi. Osy kúni komandalar ara­­synda Shymqalanyń Ál-Farabı at­yndaǵy dańǵylynyń alań­qaıyna jınalǵan jurtshylyq aldyndaǵy kezdesýler qyzyqty jáne tar­tysty ótti. Bul jekpe-jekterde Ońtústiktiń komandasy jeti ret jeńiske jetse, Syr boıynyń sportshylary qarsy­lastaryn úsh ret tize búktirdi. Degenmen, qyzylordalyqtar sapyndaǵy Asqar Qonaqbaev (81 kg.) pen 91 kg.-den joǵary sal­maqtaǵy Erjan Jumadildaevtyń sharshy alańǵa ýaqytynda shyq­paýynan olarǵa jeńilis beril­genin atap ótken jón. Osy úshin jeńis olardyń qarsylastary – Asqar Abdýllaev pen Dosjan Ospanovqa berildi. Al basqa jekpe-jekterde boksshylardyń bári sharshy alań­nyń shyraıyn keltire aı­qasty dese bolady. Munda uzaq ýaqyt­tan beri rıng­ke qaıta kóterilgen Beıjiń Olım­pıadasynyń qola júlde­geri Erkebulan Shynálıev (91 kg.) qyzylordalyq Qamshybek Qonaqbaevpen aıqasty. Erkebu­lan byltyrdan beri 10 kg. salmaq qosypty. Osy salmaqta da ol erkin qımyldap, jeńiske jete alatynyn kórsetti. Esep – 13:5. Bul kúni taǵy bir qyzyqty aıqas Rýstam Sybaev pen Iýna­dıı Tochıevtiń (OQO) arasynda ótti. О́tken joly Astanada tórt eldiń quramalary qatysqan ha­lyqaralyq týrnırde Serik Sá­pıevke ese jiberip alǵan R.Sy­baev bul joly qarsylasyn oń­dyrmaı utty. Al basqa jekpe-jek­terge keler bolsaq, 52 kg. sal­maqta qolǵap túıistirgen Nurǵazy Júsipov (OQO) pen Bekbolat Júsipovtiń arasyndaǵy báseke osy kezge deıin bolǵan matchtyq kezdesýlerde tirkel­megen eń iri eseppen aıaqtaldy. Esep – 26:3. Budan keıin 56 kg. salmaqtaǵy Almat Ysqaqov (Qyzylorda obl.) pen Qaırat Eralıevtiń arasyn­daǵy kezdesý 6:2, Azamat Albasy­nov (OQO, 60 kg.) pen Ashat Jeńisbekovtiń jekpe-jegi 4:3, Almasbek Áli­bekov (OQO, 64 kg.) pen Ǵalym О́te­genovtiń aıqasy 8:1, Jas­qaı­rat Ysmaıylov (Qyzylorda obl., 75 kg.) pen Qýat Qarataev­tyń arasyndaǵy aıqas 6:4 ese­bimen támamdaldy. Kelesi matchtyq kezdesý alda­ǵy senbi kúni Qaraǵandyda jer­gi­likti boksshylar men Aqmola ob­­lysynyń komandasy arasynda ótedi.

* * *

ShOQTYǴY BIIK BО́LTEKULY ShAIQASY

18-22 tamyz kúnderi Aq­taýda eresekter arasynda qazaq bok­synyń atasy Shoqyr Ból­tek­ulyn eske túsirýge arnalǵan V halyq­aralyq týrnır bolyp ótti. Týrnırge Astana jáne Alma­ty qalalarynyń, Aqmola, Qara­ǵandy, ShQO, Almaty, Jambyl, OQO, Atyraý, Aqtóbe men Mań­ǵystaý oblystarynyń jáne Ázir­baıjan, Sırııa, Túrkimenstan, Ýkraına, Moldova, Qyrǵyzstan, Reseı, О́zbekstan men Qytaı komandalary qatysty. Tórt kúnge sozylǵan tartys­ty aıqastarda qazaq boksshylary ishinen Mardan Berikbaev (49 kg.), Álı Baıbozov (52 kg.), Jandos Momynov (56 kg.), Berik Abdrah­manov (60 kg.), Ǵaıba­tol­la Ǵad­jı­a­lıev (64 kg.), Baqyt­jan Qo­ja­bekov (69 kg.), Ádilbek Nııa­zym­betov (75 kg.) jeńimpaz atan­sa, 81 kg. salmaqta qyrǵyz Shyń­ǵys Borbashevtiń, sırııalyq Gossýn Muhamedtiń (91 kg.) jáne asa aýyr salmaqtaǵy ýkraın Rostıslav Arhıpenkonyń mereıi ústem boldy. Al ulttyq qura­ma­da ekinshi oryndy Azat Mah­me­tov (52 kg.), Álemjan Qudaıber­genov (56), Jandarbek Isanov (60 kg.), Qýanysh Tólegenov (64 kg.), Jomart Bektaev (75 kg.), Danııar Ústembaev (91 kg.), asa aýyr sal­maqtaǵy Evgenıı Belov ıelense, qola júldeni Azamat Isaqulov (52 kg.), Meıirbolat Toıytov, Ashat Taýmurynov (56 kg.), Aıdar Ámirzaqov, Dýman Álimov (60 kg.), Ádilet Egizekov (64 kg.), Ma­nat О́mirzaqov, Nursultan Mus­tafın (69 kg.), Azamat Belgibaev (81 kg.), Erjan Qarabalaev (91 kg.) qanaǵat tut­ty. Osy salmaq­tarda Qytaıdyń atynan synǵa túsken eki qan­da­symyz da úshinshi oryndy ıelen­di. Olar – Asyl­han Erzat (64 kg.) pen Ánýar Ershat (75 kg.). Taǵy bir tegi túr­kilik Qytaı sport­shy­sy Maolo Tohtychong 75 kg. sal­maqta qola júldeniń ıesi atandy. Jalpy, týrnırde qazaq boks­shylary 6 altyn, 7 kúmis jáne 10 qolaǵa qol jetkizdi. Dastan KENJALIN. * * * KÚTPEGEN ESEP KО́P EMES Fýtboldan Qazaqstan chem­pıo­natynyń bıylǵy maýsymy bel ortasynan asty. Jeksenbi kúni ótken 23 týrdyń oıynda­rynan keıin Qostanaıdyń “To­byl” klýby óz alańynda “Aty­raý” komandasyn 3:0 esebimen jeńip, týrnır kestesinde ókshesin basyp kele jatqan “Ertis” (Pav­lodar)            klýbynan 7 upaı aıyr­ma­shy­­ly­ǵymen uzap, birinshi or­ynǵa nyq ornyqty. Al osy týrda oınalǵan basqa matchtar mynadaı eseppen aıaqtaldy. “Aq­tóbe” – “Shahter” 2:0, “Ertis” – “Lo­komotıv” 0:1, “Je­tisý” – “Oq­jet­pes” 0:0, “Or­d­abasy” – “Aq­jaı­yq” 1:2, “Qaırat” – “Taraz” 0:3. 23 týrdan keıin “Tobyl” ko­man­dasynyń oıynshysy Ulyq­bek Bakaev 12 doppen mergender tizi­min bastap keledi. Odan keı­in­gi oryndarda 10 dop soqqan Nur­bol Jumasqalıev (“Tobyl”), 9 dop­tyń avtorlary Gleb Mal­sev (“Er­tis”), Geor­gıı Daskalov (ekeýi de “Ertis”), Igor Býgaev (“Lo­ko­motıv”) jáne 7 dop soqqan Alek­seı Mal­sev, Sakı Mozes (ekeýi de “Aq­jaı­yq”), Valerıı Andronık (“Lo­komotıv”), Murat Tileshev pen Samat Smaqov (ekeýi de “Aq­tóbe”), Andreı Fınon­chen­ko men Aldın Djıdıch (“Shahter”) tur. Tómende osylardyń ishinde týr­nır kestesiniń kóshbasshy ko­man­dasynyń kapıtany, ulttyq qu­rama shabýylshysynyń bıyl­ǵy chem­pıonat týraly bildirgen pikiri­men tanystyrýdy jón kórip otyrmyz. * * * NE JOQ BOLÝ, NE BAR BOLÝ! Nurbol JUMASQALIEV, Tobyl” fýtbol klýby­nyń komanda kapıtany: Fýtboldan Qazaqstan chem­pıonaty eshqashan bıylǵydaı kúshti, qyzyq, tar­tysty ótken emes. Qazir birinshi altylyqqa kirý úshin shıyrshyq atqan kúres júrip jatyr. Myqty komandalar aldyna ne bar bolý, ne joq bolý kerek degen maqsat qoıǵan. Bar­ly­ǵy úshin bir mindet – alty­lyq­qa ený! Bul bizdiń “Tobyl” komandasyna da tikeleı qatysty. Osy chempıonatta “Tobyl” komandasy kópshilik qarsylas­tarymyz úshin kedergi ispetti. Bul “Tobyldyń” myqtylyǵyn bildi­redi! Ekinshiden, “bap shaba ma, baq shaba ma?” degendeı, “To­byl­dy” jeńý qaı komandaǵa bolsyn maqtanysh. Sol úshin kim de bolsa baryn salady. Al biz úshin osy chempıonatta jáne Qa­zaqstan ký­bo­ginde jeńis tuǵy­ry­na kóterilý basty nysana bolyp otyr. Myq­ty qarsylas bolmasa, ózińdi myq­ty komandamyn dep qaıdan se­zinesiń? Eńbeksiz kelgen jeńistiń dámi de tátti bolmaıdy. Osy oraıda biz “Aq­tóbe”, “Shahter”, “Ertis”, “Lo­ko­motıv” komanda­larynyń oı­yndaryna rızamyz. Osy jigit­terdiń sheberlikteri men qaıraqqa janyǵandaı namysy chempıo­nat­ta bizdi de qamshy basýǵa ıter­me­ledi, jankúıerlerge de tamasha qanaǵat sezimin berdi dep oı­laımyn. Bıylǵy chempıonat forma­tynyń ózgerýi bul komandalar úshin óte qolaıly boldy, óz kúshin synaýǵa tolyq múmkindik berdi. Kúshti degen komandalar ózara tórt ret baq synasady. Oı­ynshylardyń kıimi, stadıonnyń jaraqtalýy bizdiń eldiń bıik ekonomıkalyq deńgeıinen de habar bergendeı. Munyń barly­ǵy da jaqsy nyshan. Degenmen, jankúıerler sta­dıonda aýzy-murnynan shyǵyp otyrsa, báıgege túskenderdiń de­lebesin qozdyryp, chempıonat­tyń da sánin keltire, baǵasyn art­tyra túser edi. Átteń, olaı bol­maı tur. Bizdiń elde fýtbol­dy baryn­sha nasıhattaý kerek. Salamatty ómir salty turmy­symyzdyń sı­pa­ty bolý úshin oǵan aldymen qyz­met etetin sport ekenin Pre­zıdent Nur­sul­tan Nazarbaev aıtyp keledi. Taǵy bir aıta keter jáıt, ko­mandalardyń quramyn talan­tyna, qabiletine, eńbegine qaraı emes, jasyna qaraı jasaqtaý osy chempıonatta da bilinip tur. Bul keıbir komandalardyń jeńilistiń ashy dámin tatýynyń sebebi de bolǵan shyǵar, bálkim. Fýtboldyń bul merekesi je­ńispen de, jeńilispen de este qalatyn bolady.