83 jastaǵy soǵys ardageri sergeldeń bolyp júr

Uly Otan soǵysynyń arda­gerine teńestirilgen tarazdyq aqsaqal Áshim Iemberdıev bú­ginde sergeldeń bolyp júr. Qarııa turǵyn úıin keńeıtip alý úshin kezekke sonaý 1989 jyly turypty. Sanap kórsek, sodan beri 21 jyldyń júzi bolypty. Uly Jeńis kúni merekesi de 21 ret toılandy. Ásirese, bıyl keremet bolyp ótti. Kóptegen ardagerler baspanaly boldy. Biraq bizdiń gazetke shaǵym­da­nyp kelgen aqsaqaldyń “bir jaıly baspanaǵa ıe bolsam” degen úmiti osymen jıyrma bir ret úzilip otyr eken. Biraq Áshim ata qaıy­rym­dy qala basshylarynan áli de kúder úzer emes. Búginde 83 jasqa kelgen aqsaqal (1927 jyly týǵan) Jambyl obly­synyń Jambyl aýdanynan ásker qataryna shaqyrylyp, Otan aldyndaǵy boryshyn 1943-1948 jyldary Reseı eli aýmaǵynda adal atqarypty. Tipti 1950 jyly áskerge qaı­ta shaqyrylyp, sodan 1953 jylǵa deıin Keńes Odaǵy men Aýǵan­stan shekarasyndaǵy Termez qalasynda qyzmet etken. Aqsaqalǵa 1990 jyly beril­gen kýálikke (serııasy 3-029223) “Predıavıtel ýdostoverenııa ımeet pravo na lgoty ı preı­mý­shestva, ýstanovlennye zako­na­datelstvom dlıa lıs, nagraj­dennyh ordenamı ı medalıamı SSSR za samootverjennyı trýd ı bezýprechnýıý voınskýıý slýjbý v tylý v gody Velıkoı Ote­ches­tvennoı voıny 1941-1945g.” dep jazylyp, qol qoıylǵan. Buǵan qosa sonaý Kemer oblysy, Novo­kýznesk qalasy arhıvinen alyn­ǵan qujaty da bar. Onda: “Iem­ber­dıev Ashım Ýkazom Prezı­dıý­ma Verhovnogo Soveta SSSR ot 6 ııýnıa 1945 goda za ýchastıe v gody voıny nagrajden ordenamı ı medalıamı SSSR. Za samoot­ver­jennyı ı bezýprechnýıý voıns­kýıý slýjbý v tylý v godý velı­koı otechestvennoı voıny 1941-1945 g.g. Ýdostoverenıe №016558. Ot ımenı Prezıdıýma Verhov­no­go Soveta SSSR ýdostoverenıe vrýchena. Osnovanıe: f. 210 opıs 1 delo 02 l. 9 porıadkovyı nomer 999. Se­kretar ıspolkoma po­d­pıs K.I.Goman.” dep jazylǵan. Jıyrma bir jyldan beri (onyń 18 jyly táýelsiz el retinde bel­gili) soǵys jáne eńbek ardagerlerin baspanamen qamtamasyz etýge tıisti Taraz qalasyndaǵy meke­me basshylary Áshim aq­saqaldyń osy qujatta­ry­na kóz qyryn salma­ǵan.  Kóz qyryn salma­ǵany by­laı tursyn, tipti úıin ulǵaıtý kezeginen syzyp tastapty. Áshim aqsaqal ja­qynda (17.06.2010 j.) Jambyl oblystyq sotynyń kassasııalyq sot al­qa­synyń tóraǵasy A.Smaıy­lovtan hat aldy. Onda: “Jambyl oblys­tyq soty sizdiń 10.06.2010 jyly jazylǵan aryzdaryńyzǵa tómendegi mán-jaıdy túsindiredi. Appelıas­ııa­lyq sot alqasynyń №2a-255/2010 sandy 01.04.2010 jylǵy qaýlysymen Taraz qala­lyq sotynyń 01.12.2009 jylǵy sheshimi ózgertilgen. Taraz qala­lyq turǵyn úı komıssııasynyń 26.09.2007 jylǵy sheshimindegi A.Iemberdıevti (Smaıylovty) turǵyn úı alý kezeginiń tiziminen alyp tastaǵan bóligi zańsyz dep tanylyp, A. Iemberdıevtiń (Smaıylov) Uly Otan soǵysy ardagerine teńestirilgen azamat retinde 25.04.1989 jyldan bastap turǵan úıin keńeıtý kezegi qalpyna keltirildi...” delingen. Aqsaqal 1989 jylǵy turǵyn úı kezeginiń qalpyna keltiril­ge­nine, ózin jyly qabyldap,  sergeldeń bolǵan sebebin durys túsingen Jambyl oblystyq sotynyń tóraǵasy Chınıaevqa kóp-kóp rahmet aıtýda. Eń bastysy, Áshim Iember­dıev­tiń Uly Otan soǵysy arda­geri­ne teńestirilgen azamat ekeni tońmoıyn sheneýnik­ter­ge sot sheshimi arqyly moıyndatyldy. Kezek qaıta qalpyna keltirildi. Al qarııa­nyń baspanaly bolý múm­kin­digin beretin ol kezek 1989 jyl­dan beri №1 orynǵa shyǵyp ta qoıǵan shyǵar dep oılaımyz. Demek, tórinen kóri jaqyn qarııany nazalan­dyra bermeı, kózi tirisinde qýanyshqa keneltýge tolyq múmkindik bar. Aıtpaqshy, “qarııany na­za­landyra bermeı” degen aýyr­laý sózdi bekerge jazyp otyr­ǵan joqpyz. О́ıtkeni, onyń oblys pen qala ákimdigi ǵı­marattarynyń birinshi qaba­tyndaǵy esik kúzetýshilerden ary asa almaı, aıqaılasyp, kóz jasyn súrtip júrgenine bizdiń de kýá bolǵanymyz bar. Budan shyǵatyn qorytyn­dy, 83 jastaǵy soǵys ardageriniń basyn­daǵy sergeldeńnen oblys pen qala ákimderi habarsyz sııaqty. Bári tómende bolyp jatqan qıturqylar ma deısiń. Endeshe, oblys ákimi Q.Bozym­baev pen Taraz qalasynyń ákimi E.Astaev qarııany kóz jumbaı turyp, jyly sýy men gazy bar jaıly pátermen tez arada qam­tamasyz etedi dep senemiz. Halyqty, onyń ishinde qarııalardy qýantqanǵa ne jetsin. Kósemáli SÁTTIBAIULY. Taraz. ---------------------------------- Sýrette: UOS ardagerine teńes­ti­rilgen ardager Áshim IEMBER­DIEV.