Aýyl sharýashylyǵyn memlekettik qoldaý jalǵasady

Elbasy Nursultan Nazarbaev eki kúndik saparmen Qostanaı oblysyna keldi Qostanaıǵa keshe tústen keıin kelgen Elbasy Nursultan Nazar­baev “Qostanaı un kombınaty” aksıonerlik qoǵamyndaǵy makaron fabrıkasynyń ashylý saltanaty­na qatysty. Memleket basshysy iri óndiristiń tetigin iske qosty. Ma­karon fabrıkasy Qostanaı oblysynda jyldyń ekinshi jar­tysynda júzege asýǵa tıisti bes ınvestısııalyq jobanyń biri bolyp tabylady. 1 681 mıllıon teń­ge qarjymen bitken kásiporyn­nyń qýaty da tańqaldyrǵandaı. Fabrıka saǵatyna 4200 kılo­gramm, jylyna 30 000 tonna ma­karon shyǵarady. Investısııalyq qarjy kózi negizinen “QazAgro” aksıonerlik qoǵamynan alyndy, al onyń 15 paıyzyn “Astyq ın­dýstrııasy” kompanııasy ózi qosty. Qurylysy byltyr jyl aıaǵynda bastalǵan iri óndiris kásiporny ústimizdegi jyldyń úshinshi toq­sanynda paıdalanýǵa berilýi tıis bo­latyn. Mine, jyl táýligine jet­peı ol el ıgiligine aınalyp úlgerdi. Bul – “Astyq ındýstrııasy” kom­panııasynyń tórtinshi makaron fabrıkasy. Munda Italııadan shy­ǵarylǵan “PAVAN” makaron jelisi ornatyldy. Ol respýblıkamyz ǵana emes, Ortalyq Azııadaǵy makaron óndiretin eń iri kásiporyn bolyp sanalady. Qostanaı un kombınaty men makaron fabrıkasynan shyǵarylatyn “Korona” uny men makaronynyń sapasy elimizben qatar, syrt jerlerge de belgili. Qostanaıdyń quramynda proteıni kóp baǵaly bıdaıynan ıtalııalyq úzdik jabdyqpen shyǵarylǵan ma­karonnyń sapasy qandaı básekede de aldyna qara salmaıdy. Buǵan deıin astyq pen sapaly un óndirýde kóshbasshyǵa aınalǵan kompanııa endi sapaly makaron ónimderimen osy deńgeıden kórinbek. “Qazaq­standa jasalǵan” degen brendpen unnyń 35 paıyzyn, makaronnyń 5 paıyzyn eksportqa shyǵarady. Qazaqstannyń joǵary sapaly uny men makaron ónimderine Reseıden, Tájikstan men Aýǵanstannan, Qytaı men Mońǵolııadan, Túrki­men­stannan, Grýzııadan suranys artyp otyr. Jańa fabrıka 80 adamǵa jumys ornyn usyndy. Elbasy Nursultan Nazarbaev fabrıka jumysshylary­men kezdesti. – Memleket aýyl sharýashyly­ǵy­na, agrarlyq sektorǵa úlken qol­daý jasap otyr. Et pen un, sútti uqsatý kásiporyndaryn salýda. Bul mol­shylyqqa bastaıdy, aılyq jal­aqy ósedi, áleýmettik sala nyǵaıady. Aýyl sharýashylyǵyna 225 mıl­lıard teńge bólindi. Jo­ǵary sapa­ly tuqym, tyńaıtqysh pen gerbı­sıdter úshin sýbsıdııa berildi. Bıyl bar jerde ystyq, qýańshy­lyq bolyp tur. Adamdar aıanbaı eńbek etip jatyr. Mem­leket qol­daýy­nyń arqasynda al­qaptarda qýatty tehnıkalar, ozyq tehno­lo­gııalar paıdalanylady. Biz bıyl qıyn jyl bolǵanmen de 14-15 mıl­lıon tonna astyq jı­naımyz. Onyń 7 mıllıon tonnasy qorǵa qalady, – dedi Nursultan Nazarbaev. Qostanaı oblysyndaǵy aýyl sharýashylyǵynda jyl basynan beri óndirilgen jalpy ónimniń kólemi 60865 mıllıon teńgeni qura­dy. Fızıkalyq kólem ındeksi 100 paıyz boldy. 2010-2015 jyldyń ara­synda oblysta 17 ınvestısııa­lyq joba júzege aspaq. Sonyń ishin­de aýyl sharýa­shylyǵynda atqarylar jumys­tardyń úlesi de qomaqty bolmaq. Bıylǵy jyldyń qýańshylyq bolýy qostanaılyq dıqandarǵa da ońaı bolǵan joq. Degenmen, astyq jınaý naýqany bul kúnde úlken yjdaǵattylyqpen júrýde. Sapaly un men dámdi makaronǵa jum­salatyn altyn astyqty jınaýǵa bıyl tehnıka 99 paıyz daıyn­daldy. Qazaqstannyń ekonomıkasy yrǵaqty damyp keledi. Prezıdent aýyl sharýashylyǵyna memlekettik qoldaý bola beredi dedi. Biraq el irgesiniń berik bolýyn Nursultan Ábishuly fabrıka ujymymen kezdesýde Qazaqstandaǵy beıbit ómir­men jáne halyqtar dosty­ǵymen baılanystyrdy. Adamdar­dyń barlyǵy dostyqta, bir-birine degen senimmen ómir súredi. Tatý ómir men birlik Qazaqstan ustanyp otyrǵan saıasattyń basty nysanasy ekenin aıtty Elbasy. – Jyldan jylǵa jaǵdaıymyz jaqsaryp keledi. Makaron fab­rı­kasynan j­umys ornymdy taptym. Munda barlyǵy da kompıý­ter­lendirilgen. Jumysty baıaǵydaı shańnyń astynda emes, aq jeleń­men júrip atqaramyz. Aılyq jala­qym da otbasymdy asyraýǵa je­tedi. Al bizdiń kásiporyn óndirgen makaronnyń túsine qarap toıǵan­daı­syń. Dámdilige de, sapasy da kimge de bolsa unaıdy. Osynyń bar­lyǵy da Qazaqstannyń ekono­mı­kalyq damýynyń, Prezıdentimiz Nursultan Nazarbaev júrgizip otyrǵan syndarly saıasattyń arqa­sy. Jumysymyz bar, tamaǵymyz toq, kóılegimiz kók degendeı, jaq­sy turmysta turamyz. Munan artyq adamǵa ne kerek? Elimiz, jerimiz, Elbasymyz aman bolsyn. Nursul­tan Ábishulymen kezdesý maǵan ystyq áser qaldyrdy, – dedi ma­karon fabrıkasynyń jumysshysy Vıktor Voronsev. Makaron fabrıkasynyń ashy­lý saltanatynda Elbasymen birge       oblys ákimi Sergeı Kýlagın, “QazAgro” AQ basqarmasynyń tóraǵasy Asyljan Mamytbekov, Astana Grup prezıdenti Nurlan Smaǵulov boldy. Nursultan Nazar­baevtyń Qostanaı obly­syna sapary búgin odan ári jalǵasady. Názıra JÁRIMBETOVA. Qostanaı. ---------------------------------- Sýretterdi túsirgen Jumataı KÁKIMJANOV.