Baǵdarlama kásipkerlikti damytýǵa qyzmet etedi

“Damý” kásipkerlikti qoldaý qory aýdandardaǵy, aýyldardaǵy shaǵyn jáne orta bıznes sýbektilerine býhgalterlik qyzmetti júrgizý jáne keńes berý maqsatyn­da osyndaı jańa baǵdarlama usynyp otyr. Shyny kerek, shaǵyn jáne orta bıznes sýbektileri, sonyń ishinde, aýyldyq jer­ler­degi kásipkerlerdiń basym bóligi býhgal­terlik esepti múlde júrgizbeıdi dese de bola­dy. Sebebi, olardyń jumysqa maman esepshi alatyndaı múmkindigi joq, aýyldyq jerde joǵary dárejeli esepshi tabý da ońaı emes. Sondyqtan olardyń arasynda salyq kóle­min durys esepteı almaýshylyq, salyq ese­bin ýaqtyly tapsyrmaý­shylyq jáne onyń rejimin durys tańdaı almaýshylyq ta jıi kezdesedi. Osyny eskergen “Damý” kásip­kerlikti qoldaý qory osy baǵdarlamany usyný arqy­ly aýyldyq jerlerdegi kásipker­lerdiń qarjy, býhgalterlik esep jáne salyq máseleleri boıynsha bilikti maman­dardan kómek alýyna jaǵdaı týǵyzbaqshy. Jańa baǵdarlama bastapqyda Áıteke bı jáne Mártók aýdandarynda júzege asy­rylady. Qazir osy eki aýdanda kásipker­lerge qyzmet kórsetý jáne keńes berý orta­­l­yqtary jumys isteıdi. Mundaı bola­shaǵy baıandy baǵdarlamanyń ope­ratory – býhgalterlik qyzmet sala­synda ózindik qoltańbasy qalyptasqan “Esep” qoǵamdyq birlestigi. Orta­lyq­tar ázirge aqysyz qyzmet kórsetedi, bolashaqta ol aqyly bolýy múmkin. Satybaldy SÁÝIRBAI. Aqtóbe oblysy.