Bosaǵan bilim granttary kimderge beriledi?

Jýyrda Bilim jáne ǵylym mınıstri Janseıit Túımebaev Almatyda úsh birdeı jıyn ótkizdi. Jańa oqý jyly qarsańynda qarbalas bolyp jatqan bilim salasynda bıyl eleń etkizerlik bastamalar men ózgerister barshylyq. Ońtústik astanada ótken jıyn­nyń biri bosaǵan bilim granttaryn be­rýdiń jaı-japsaryna arnaldy. Res­pýblıkalyq konkýrstyq ko­mıs­sııa májilisine Bilim jáne ǵylym, Densaýlyq saqtaý mınıstrlikteriniń basshylarymen qosa, joǵary oqý oryndarynyń rektorlary qatysty. Respýblıkalyq bilim vedomst­vo­synyń basshysy konkýrs qory­tyn­dysyn shyǵara kele, atalmysh mı­nıstrlikte stýdent jastardy qoldaý jóninde aıtarlyqtaı jumystar júr­­gizilip jatqanyn atap ótti. Emtıhan sessııalarynyń nátıjesi boıynsha jylyna eki ret bosaǵan bilim grant­tary beriledi. Bul rette stýdenttiń áleýmettik jaǵdaıy eskeriledi. Sonymen, 2010 jyldyń talap­ker­leri de bıyl memleket nazarynan tys qalyp otyrǵan joq. Respýb­lıkalyq konkýrstyq komıssııanyń sheshimimen 35 myńnan astam bilim granttary be­rilse, jańa oqý jyl­yn­daǵy bilim grant­tary ótken jylmen salys­tyr­ǵanda, 1085-ke artyq. Bul – tegin joǵa­ry bilim alýdyń qosymsha múmkindigi degen sóz. Bosaǵan bilim granttary aralyq attestasııalaýdyń nátıjeleri ne­gizinde taǵaıyndalyp otyr. Áde­t­te­gideı, bosaǵan bilim granttaryn bólýde halyqtyń áleýmettik álsiz top­taryna jatatyn aqyly negizde bilim alýshy jetim, múgedek stý­dent­terge, jalǵyzbasty ata-analardyń balalaryna konkýrstyq komıssııa­nyń sheshimimen basymdyq beriledi. Joǵary bilim alý úderisinde bosaǵan bilim granttaryn taǵaıyndaý úshin 76 joǵary oqý ornynan 5547 bilim alýshy qujattaryn tapsyrǵan. Al respýblıkalyq konkýrstyq ko­mıssııa tómendegi mamandyqtar boı­ysha 1670 bos bilim grantyn ta­ǵaı­yndady. Gýmanıtarlyq ǵylym­darǵa – 35, quqyq – 8, óner – 84, áleým­ettik ǵylymdar jáne bızneske – 19, jaratylystaný ǵylymdaryna – 48, tehnıkalyq ǵylymdar men tehno­logııalarǵa – 444, aýyl sha­rýashy­lyǵy ǵylymdaryna – 144, qyz­met kór­setýge – 16, veterınarııa – 32, den­saý­lyq saqtaý jáne áleýmettik qam­ta­masyz etýge 467 grant bólinip otyr. Konkýrstyq komıssııanyń she­shi­mimen soǵysqa qatysýshylar men so­ǵys múgedekterine teńestirilgen tul­ǵa­lar úshin kvotamen qabyldaý boı­ynsha qajettilikten tys qalǵan 82 bilim berý granty, rezervtegi 50 bilim berý granty, jalpy 132 bilim berý gran­ty 103 jetim balaǵa jáne Qy­zylaǵashtan shyqqan 29 talap­kerge berilgen. Aınash ESALI.