Básekege qabilettilik – basty qajettilik

Almatyda Ál-Farabı atyndaǵy Qazaq ulttyq ýnıversıtetinde respýblıka Qorǵanys mınıstri Ádilbek Jaqsybekov jumys sapa­ry­men boldy. Kópshilikke belgili, Memleket basshysy Nursultan Na­zarbaev elimizdiń ǵalymdary men oqytýshylary aldyna básekege qabiletti mamandar daıarlaý min­detin qoıǵan bolatyn. Ál-Farabı atyndaǵy Qazaq ulttyq ýnıversı­tetinde Qazaqstanda alǵash ret qu­rylǵan qoǵamdyq qamqorshylar ıns­tıtýty eń mańyzdy úılestirý organy retinde joǵary oqý oryn­dary­nyń jumysyn baqylaýdy júzege asyrýda. Ýnıversıtettiń osy qamqorshylar keńesiniń alǵash­qy jıynyn onyń tóraǵasy Ádilbek Jaqsybekov ótkizip, bul is-shara ju­mysyna Qazaqstan Respýblıkasy Prezıdenti Ákimshiligi Basshysy­nyń orynbasary Máýlen Áshim­baev, Parlament Senatynyń Ha­lyqaralyq qatynastar, qorǵanys jáne qaýipsizdik jónindegi komı­tetiniń tóraǵasy Qýanysh Sultanov, Ulttyq ǵarysh agenttiginiń tóraǵasy Talǵat Musabaev qatysty. Qoǵamdyq qamqorshylar keńe­si­niń osy basqosýynda ýnıversıtet rektory Baqytjan Jumaǵulov baıan­dama jasap, onda ol joǵary oqý ornynda atqarylyp jatqan aýqymdy is-sharalar jáne maman­dar daıarlaýdaǵy irgeli jobalar jóninde jan-jaqty aıtyp berdi. Ásirese, ýnıversıtettiń ınnovasııa­lyq klasterin damytýdy bel­sendi túrde qoldaýǵa basty nazar aýdarylýda. Máýlen Áshimbaevtyń pikirinshe, QazUÝ — respýblıkadaǵy joǵary oqý oryndary arasynda ózindik erekshelikteri men artyq­shy­lyqtary bar oqý orny. Jáne de onyń barlyq júıesindegi damý fak­tory nazar aýdararlyqtaı. Talǵat Musabaev bolsa óz keze­ginde bul oqý ornynda aeroǵaryshtyq salada mamandar daıarlaýǵa kirisý jumystarynyń bastalǵandyǵyn tilge tıek etip, osy istiń Qazaqstan úshin mańyzdylyǵyna toqtaldy. Al senator Qýanysh Sultanov sóziniń túıinin: “Memlekettiń básekege qa­bilettiligi ǵylym, bilimmen tyǵyz baılanysty. Sol sebepti álemdik tájirıbeni qoldana otyryp, mun­daǵy qamqorshylar keńesin júzege asyrsaq, bul ýnıversıtettiń da­my­ǵan elder qataryndaǵy básekege tótep berýin arttyrady”, – degen oımen berkitti. Qoǵamdyq keńeste ýnıversıtet­tiń bazasynda búgingi kún talabyna oraı aqparattyq bilim ortalyǵy qurylýyna qoldaý kórsetý máselesi de qozǵaldy. Ýnıversıtette bolashaq maman­dar­dyń kásibı biliktiligin jetil­dirýge basa nazar aýdarylýda. Oǵan QazUÝ-diń áskerı kafedrasyn naqty mysalǵa alýǵa bolady. Mun­da zapastaǵy áskerı qyzmetker­ler­di daıyndap, olardy shyńdaý ózin­dik talap deńgeıinen shyǵýda. Qam­qor­shylar keńesiniń oty­rysynan keıin Qorǵanys mınıstri Ádilbek Jaqsybekov búgingi zaman talabyna saı jabdyqtalǵan osy keshenniń tynys-tirshiligimen jan-jaqty tanysty. Baqyt BALǴARINA, Almaty.