“Qarajorǵa” qaıta oraldy

Qazaq gýmanıtarlyq zań ýnıversıtetinde “Bıleıik birge, “Qarajorǵa” atty ulttyq, patrıottyq aksııa ótti.  Oǵan úsh myńnan astam stýdentter men oqytýshylar, sondaı-aq, mektep oqýshylary qatysty. Biraz ýaqyt kózden tasa bolǵan “Qa­rajorǵanyń” tarıhy tym tereńde jatyr. Qazaq jerinde kúni keshege deıin nasıhat­talma­ǵanymen, Qytaı eline bul bı jaqsy tanymal.  Qaı zaman ekeni bel­gisiz, bir baıdyń báıgede eshkimge júlde ustatpaıtyn taıpalaǵan keremet qarajorǵa aty bolypty. Kún­derdiń kúninde baıdyń jalǵyz qyzyna bireý quda túsip keledi. Sonda qyz ákesine: “Áke, qalyń­ma­lymnyń óteýi bolsyn, maǵan qarajorǵany ber”, — deıdi qıylyp. Jorǵasyn bereıin dese, qımaıdy. Bermeıin dese, jal­ǵyz qyzy. Aqy­ryn­da baı oılana kele, qarajor­ǵany qyzynyń qalyń­m­a­ly­nyń óteýine bermek bolady. Qyzy ketip bara jatqanda baı bylaı depti: “Qyzym, qarajorǵany bir taı­pa­latyp jor­ǵalatshy. Jat jurtqa áketip barasyń ǵoı, bir kórip qalaıyn”. Sóıtip, qarajorǵany noq­taly uzyn arqanymen bos qoıa beredi. Sol kezde qarajorǵa sý tó­gilmes jorǵasyna sala jóne­le­di. Sonda noqtaǵa baılanǵan uzyn arqan tol­qyndanyp, atpen birge jor­ǵalap bara jatqandaı áser qal­dyrady. Osyny kórgen bir kúı­shi “Qarajorǵa” degen kúı shy­ǵarypty desedi... Tilder merekesine oraı, arnaıy uıymdastyrǵan bul aksııanyń maqsaty – “Qarajorǵa” bıi ar­qy­ly “Biz qazaqsha sóıleımiz, Qara­jorǵa bıleımiz!” degen uran­men ultyq rýhty jańǵyrtyp, patrıot­tyq sezimdi oıatý.  Bul kúni Qazaq gýmanı­tarlyq zań ýnı­versıtetiniń bas ǵımaraty aldyna úsh myńnan astam stýdentter men oqytýshylar, sony­men qosa, arnaıy shaqyrylǵan me­ktep oqý­shy­lary jınalyp, úlken-kishi demeı, bir yrǵaqpen “Qara-jorǵa” bıin bıledi. Osyn­shama stýdentti bir ýaqytta jınap, bı-leýge jumyldyrǵan aksııa ıdeıa­synyń avtory Qazaq gýma-nı-tarlyq zań ýnıversıtetiniń rek­tory, zań ǵylymdarynyń dok-tory Maqsut Nárikbaev eken. Qazaq halqynyń ulttyq qun­dylyqtarynyń biri sanalatyn “Qarajorǵa” bıi jaıly Maqsut Sultanuly: “Biz búginde qazaq je-rinde, táýelsiz Qazaqstan mem­le-ketinde kún keship, alǵa jyljý ústindemiz. Osyǵan sáıkes, árbir qazaqstandyqtyń júreginde patrıottyq sezim bolýy kerek. Biraq, biz ózimizdiń ulttyq tilimiz ben ulttyq dástúrimizdi umyt qaldyrǵan jaıymyz bar. Sonyń biri – búgingi “Qarajorǵa” bıi. Biz toı-dýmandar men jıyndarda ulttyq bıimiz “Qarajorǵany” bılesek, nur ústine nur bolar edi. “Qarajorǵa” bıin búkil halyqqa jetkizý – óz qolymyzda. Sol sebep­ti búkil Qazaqstannyń rek-tor­laryna uran tastaǵaly otyr­myn. Ýnıversıtetimizdiń dástúri boıynsha kúndelikti   sabaǵymyz­dy tańerteńgi toǵyzda ánura-ny­myz­ben bastasaq, aldaǵy ýaqytta ol ýaqyttan erte kelip, 15-20 mınót “Qarajorǵa” bıimen basta­ǵandy jón kórip otyrmyz”, – dedi. Qytaılyq qandastarymyzdyń arqasynda “Qarajorǵa” bıin bir mezette 13 288 adam bılep,  Gın­nes­tiń rekordtar kitabyna enip, qazaq bıin álemge pash etti. Endeshe,  2011 jyly Astana men Al­matyda ótetin Qysqy Azııa oıyndarynyń ashylý salta­na­tynda “Qarajorǵa” bıin bılesek, ulttyq qundyly­ǵy­myz­dy ózge-lerge kórsetýdiń taptyrmas múm-kin­digi bolar edi. Juldyz BAIDILDA, EUÝ stýdenti.