Izdegenińiz úıińizdiń túbinde tur

Taıaýda men trolleıbýsta kele ja­typ eki áıeldiń áńgimesine eriksiz kýá boldym. Áńgime aýanyna qaraǵanda, bireýi almatylyq ta, ekinshisi Jam­byl oblysynan kelgen. Alystan kel­geni qyzýlanyp: “Qazir naǵyz ómir úl­ken qalalarda ótip jatyr – teatr­lar, ınstıtýttar, tipti bankterdiń barlyǵy Almatyda. Al biz ne esteı­miz? Únemi is tyndyrý úshin ortalyq­tarǵa barý kerek!”. Qysqasy, bul áıel turǵyn úı qurylys jınaǵy týraly kelisim-shartqa otyrý úshin arnaıy Almatyǵa kelgen. О́ıtkeni, ol kisi tu­ratyn aýdan ortalyǵynda “Turǵyn úı qurylys jınaq bankiniń” fılıaly joq kórinedi. Men amalsyzdan keshi­rim surap, áńgimege aralasýǵa májbúr boldym. Jańaǵy áıel turatyn eldi mekende “Qazposhtanyń” nemese Ha­lyq bankiniń bólimsheleri bar-joqtyǵyn surastyrdym. Men olarǵa “Turǵyn úı qurylys jınaq banki” osylarmen jumys isteıtindigin jáne kelisim-shart jasasý úshin Almatyǵa, tipti oblys ortalyqtaryna barmaı-aq, osy uı­ym­dar arqyly jumys isteýge bolatyn­dyǵyn túsindirdim. Bilmegendikten, mundaı qatelikke kóptegen aýyldyqtar urynyp, áýre-sarsańǵa túsip jatady. Turǵyn úı qurylys jınaǵy júıesine qatysý úshin alysqa uzamaı-aq, “Qazposhta” jáne Halyq banki arqyly áreket etýge bolady. О́ıtkeni, “Qa­zaqstan­nyń turǵyn úı qurylys jınaq banki” 2003 jáne 2005 jyldary atalmysh uıymdarmen agenttik qyzmet kórsetý týraly kelisimge kelgen. “Qazposhta” jáne Qazaqstan Halyq bankimen qol jetkizilgen áriptestik turǵyn úı qurylys jınaǵy júıesin alys aýdandardyń eń shalǵaı eldi mekenderine jeteledi. Iаǵnı, TQJB agentteriniń elimizdiń túkpir-túkpirinde fılıaldary, kassalyq-eseptesý bólimderi men bankomattary bar. Búgingi tańda “Qazposhtanyń” 177 bólimshesi, Qazaqstan Halyq bankiniń 176 bólimshesi men 1600-den astam bankomaty agenttik qyzmet kórsetedi. Bul yntymaqtastyqtyń artyqshy­lyǵy – ol eki astana men oblys or­talyqtaryn ǵana emes, eń shalǵaıdaǵy turǵyndardy da qamtyp, qurmettep otyr. Tipti almatylyqtardyń ózi de tólem jasaý úshin banktiń ortalyq keńsesine shapqylamaıdy. “Qazposhta” men Halyq bankiniń kez kelgen bó­limshesinde tólem júrgizip, al QHB kar­tochkasynyń ıeleri aı saıynǵy salym jarnalaryn nemese qaryz­da­ryn táýliktiń kez kelgen mezgilinde, kez kelgen bankomatta, kezekke tur­maı-aq, bar bolǵany 30 teńgege tóleý­ge bolady, bul - atalmysh banktiń komıssııasy. Osy áńgimege oraı, bizder “Qazaq­stan­nyń turǵyn úı qurylys jınaq banki” AQ Basqarma Tóraǵasynyń orynbasary Asqar Qalıevtan “Qaz­poshta” jáne Halyq bankimen árip­testik klıentterge qanshalyqty qo­laıly ekenin tolyǵyraq aıtyp berýdi ótingen edik. – Asqar Ǵanıuly, Turǵyn úı qu­rylys jınaq bankiniń agentteri naqty qandaı qyzmet usynady? – Klıent nemese banktiń klıenti bolǵysy keletinder agentter arqyly turǵyn úı qurylys jınaq júıesi tý­raly keńester, qoldanystaǵy tarı­f­tik baǵdarlamalar týraly tolyq aq­parattar alyp, turǵyn úı qurylys jınaǵy týraly kelisim-shart jasaı alady. Bizdiń agentter klıenttiń jaǵ­daıy men múmkindigine qaraı, qajetti kelisim-shart somasyn, jınaq jarna­synyń kólemin jáne keleshektegi qaryzdy qaıtarý kólemi qanshalyqty bolatyndyǵyn eseptep, tarıftik baǵ­darlamany tańdaýǵa kómektesedi. Turǵyn úı qurylys jınaǵy kelisim-shartyna qyzmet kórsetý barysynda (máselen, bir jyldan keıin delik) klıent “Qazposhtaǵa” nemese Halyq bankine baryp, kelisim-shart jasaıdy jáne aldaǵy ýaqytta turǵyn úı zae­myn alýǵa qatysty keńester ala ala­dy. Menedjer salym jarnasyn qaıta eseptep, klıenttiń sol kezdegi qar­jy­lyq múmkindigine qaraı, jarna kó­le­min kóbeıtýge nemese azaıtýǵa kómek­tesedi. Sondaı-aq, salymdardyń kólemine qaraı, qajetti qarajat qaı kezde jınaqtalyp bolatyndyǵyn jáne qaı ýaqytta turǵyn úı zaemyn alýǵa bolatyndyǵyn eseptep beredi. – Turǵyn úı qurylys jınaq ban­kinde jasalǵan kelisim-sharttar men agentter arqyly jasalǵan kelisim-sharttarda aıyrmashylyq bar ma? – Banktiń barlyq artyqshylyq­tary “Qazposhta” men Halyq bankiniń bólimshelerinde jasalǵan kelisim-shart­t­arǵa da qatysty júredi. Bárinen buryn, bul degenińiz eń tómen stav­kamen – 3,5 paıyzdan bastap 5 paı­yzǵa deıin nesıe alýdyń múmkindigi. Atap ótý qajet, turǵyn úı zaemynyń syıaqy kólemi turǵyn qurylys jınaǵy júıesi týraly kelisim-shartqa otyrǵanda belgilenedi, kelisim-shart talaptary oryndalǵannan keıin klıentter bizdiń bankten aldyn ala kelisilgen syıaqy stavkasy boıynsha nesıe ala alady. Turǵyn úı zaemyna qyzmet kórsetýdiń barlyq kezeńinde syıaqy kólemi ózgermeıdi. Munan bólek, memleket tarapy­nan óziniń turǵyn úı jaǵdaıyn jaq­sartqysy keletinder jyl saıyn syı­lyqaqymen kótermelenip otyrady. Turǵyn úı zaemyn alǵannan keıin, zaemshyǵa salyqtyq jeńildikter usynylady: jumys berýshi klıenttiń jalaqysyn kótergen kezde zaem boı­ynsha syıaqy kólemine tabys salyǵy sa­lynbaıdy. Bul úshin qaryzger qa­jetti qujattardy jumys ornyndaǵy býhgalterııaǵa ótkizý qajet. Bank ýaqyt úderisine de ilesip ke­ledi, ıaǵnı óziniń áriptesterimen veb-serverlerdiń kómegi arqyly jumys isteıdi. Bul “Qazposhta” men Halyq bankiniń qyzmetkerlerine turǵyn úı qurylys jınaǵy týraly kelisim-sharttar jasaýǵa, TQJB atynan klıentterge esep-shot ashýǵa, sa­lym­dardy esepteýge, jınaqtar boıynsha syıaqy men naqty ýaqyt tártibimen memlekettik syılyqaqyny esepteýge múmkindik beredi. – Klıent “Qazposhta” jáne Halyq banki arqyly esep-shotty qalaı ashady? Nesıe týraly kelisim-shart­ty qalaı rásimdeý kerek? Qaryzdy qalaı jabýǵa bolady? – “Qazposhta” men Halyq banki­­­niń bólimshelerinde turǵyn úı qu­rylys jınaǵy týraly kelisim-shartqa oty­­ryp, shot ashý úshin ózimen birge STN/ ... jáne jeke kýáliginiń ózin al­yp barý kerek. Eger kelisim-shart balaǵa jasalynatyn bolsa, onda qo­symsha týý týraly kýálikti, eger bas­­qa úshinshi adamǵa bolsa, senimhat usy­­nylady jáne qarjylyq múmkin­digine qaraı klıent qajetti tarıftik baǵdar­lamany tańdaıdy (“Bastaý”, “О́rken”, “Ke­mel”, “Bolashaq”) jáne kelisim-shart somasyn anyqtap alady. Keli­sim-shart somasynyń 0,5 paıyzy bola­tyn komıssııalyq ótemdi tóleıdi (kemi 5 myń teńge) jáne jáne salym­nyń tıisti bastapqy jarnasyn tóleıdi. Qysqasy, Asqar Ǵanıuly bergen túsiniktemeler keleshekte turǵyn úı qurylys jınaǵy júıesi arqyly baspanaly bolyp nemese óziniń úıin keńeıtkisi keletinderge ıgi septigin tıgizedi dep senemiz. Eger de joǵaryda trolleıbýsta kezdesken áıel osynyń bárinen habardar bolǵanda ýaqytyn da, qarajatyn da únemdegen bolar edi. Aınash ESALI. Qosymsha aqparattardy “Qazaqstannyń turǵyn úı qurylys jınaq banki” AQ-tyń tómendegi telefondary boıynsha bilýge bolady: Almaty q. – 279-25-55, 377-18-45, Qyzylorda q. – 26-26-64, Kókshetaý q. –25-63-04, Taldyqorǵan q. – 24-79- 72, Taraz q. – 42-58-60, Shymkent q. – 21-33-62, Pavlodar q. – 34-08-99, О́skemen q. – 47-54-72, Qaraǵandy q. – 43-62-52, Qostanaı q. – 53-38-20, Oral q. – 54-36-36, Atyraý q. – 32-04-00, Aktaý q. – 43-96-91, Astana q. – 40-72-77, 36-19-07, Aqtóbe q. – 55-72-21, Petropavl q. 42-79-94, Semeı q. 52-22-90, nemese www.hcsbk.kz saıtynda