Qazaqstan Respýblıkasy Úkimetiniń qaýlysy №896

2010 jylǵy 6 qyrkúıek  Astana, Úkimet úıi Qazaqstan Respýblıkasy Úkimetiniń 2009 jylǵy 28 mamyrdaǵy № 787 qaýlysyna tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. “Ulttyq basqarýshy holdıng, Ulttyq holdıngter, ulttyq kompanııalar jáne aksııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar júzege asyratyn taýarlardy, jumystardy jáne kórsetiletin qyzmetterdi satyp alýdyń úlgi erejesin bekitý týraly” Qazaqstan Respýblıkasy Úkimetiniń 2009 jylǵy 28 mamyrdaǵy № 787 qaýlysyna (Qazaqstan Respýblıkasynyń PÚAJ-y, 2009 j., № 27-28, 245-qujat) mynadaı tolyqtyrýlar engizilsin: kórsetilgen qaýlymen bekitilgen Ulttyq basqarýshy holdıngter, ulttyq holdıngter, ulttyq kompanııalar jáne aksııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar júzege asyratyn taýarlardy, jumystardy jáne kórsetiletin qyzmetterdi satyp alýdyń úlgi erejesinde: 2-tarmaq mynadaı mazmundaǵy 8-1) tarmaqshamen tolyqtyrylsyn: “8-1) strategııalyq áriptester – tapsyrys berýshi aıqyndaıtyn uıym, onyń ishinde qajetti resýrstarǵa (ıntellektýaldyq, ǵylymı, ádisnamalyq, bilim berý, tehnologııalyq, kadrlyq) ıe jáne mynadaı: qazirgi zamanǵy ádisnamalar men jańa tehnologııalardy bilim berýge engizý; bilim berýdiń ınnovasııalyq mazmuny men qazirgi zamanǵy bilim berý baǵdarlamalaryn ázirleý jáne engizý; bilim berý qyzmeti men onyń nátıjelerine, onyń ishinde oqytýdyń sapasyna jáne oqýshylardyń bilim berý baǵdarlamalaryn meńgerý nátıjelerine monıtorıngti, syrtqy baǵalaýdy júzege asyrý; bilim berý qyzmetiniń sapasyn, balalar men pedagogtardy konkýrstyq irikteýdiń aspaptary men tehnologııalaryn baqylaý men baǵalaý quraldaryn ázirleý jáne engizý; oqý úderisin qamtamasyz etetin kabınetter men zerthanalar úshin jabdyqtardy ázirleý jáne óndirý salalarynyń birinde nemese birnesheýinde halyqaralyq qyzmet tájirıbesi bar sheteldik uıym.”; 18-tarmaq mynadaı mazmundaǵy 56), 57), 58) tarmaqshalarmen tolyqtyrylsyn: “56) strategııalyq áriptesterden bilim jáne ǵylym, bilim berý úderisin ádisnamalyq, ádistemelik jáne materıaldyq-tehnıkalyq qamtamasyz etý salalaryndaǵy taýarlardy, jumystardy jáne kórsetiletin qyzmetterdi satyp alý; 57) bilim berý baǵdarlamalarynyń mazmunyna sáıkes sheteldik arnaıy oqý jáne kórkem ádebıetti satyp alý; 58)       tapsyrys berýshige “Nazarbaev Zııatkerlik mektepteriniń” qurylysyna bólingen jer ýchaskelerindegi qurylystardy satyp alý jáne buzý boıynsha jumystar men kórsetiletin qyzmetterdi quryltaıshysy jergilikti atqarýshy organ bolyp tabylatyn zańdy tulǵadan satyp alý.”. 2. Osy qaýly alǵashqy resmı jarııalanǵan kúninen bastap qoldanysqa engiziledi. Osy qaýlynyń 1-tarmaǵynyń on úshinshi abzasy 2013 jylǵy 31 jeltoqsanǵa deıin qoldanylady. Qazaqstan Respýblıkasynyń Premer-Mınıstri K.MÁSIMOV