Mereıtoıǵa daıyndyq barysy qaraldy

Keshe Premer-Mınıstr Kárim Másimov Qazaqstan Respýblıkasy Táýelsizdiginiń 20 jyldyǵyn atap ótýge daıyndalý jáne toılaý jónindegi uıymdastyrý komıtetiniń otyrysyn ótkizdi, dep habarlady Premer-Mınıstrdiń baspasóz qyzmeti. Beıneselektorlyq keńes túrin­de ótken otyrys jumysyna Pre­zıdent Ákimshiliginiń basshylyǵy, Senat pen Májilis depýtattary, ortalyq jáne jergilikti atqarý organdarynyń basshylary, sol sııaqty úkimettik emes uıymdar men saıası partııalar ókilderi qatysty. Uıymdastyrý komıtetiniń mú­she­leri ÚEU-lardyń, jastar uıym­darynyń, partııalardyń,  ǵylymı jáne shyǵarmashylyq ıntel­lı­gensııa ókilderiniń qatysýymen ázirlengen Táýelsizdiktiń 20 jyl­dy­ǵyn Astana qalasy men eldiń barlyq óńirlerinde atap ótý tu­jyrymdamasynyń jobasyn talqylady. Sol sııaqty respýblıka Táýelsizdiginiń 20 jyldyǵyn toı­laýdyń jalpyulttyq josparynyń jobasyn daıyndaý máseleleri boıynsha pikir almasyldy. Talqylaýǵa Senat depýtaty Qýa­nysh Sultanov, Májilis depý­tat­tary Dınar Nóketaeva men Aı­gúl Soloveva, Pavlodar obly­synyń ákimi Baqytjan Saǵyntaev, Batys Qazaqstan oblysynyń ákimi Baqtyqoja Izmuhambetov,  Mań­ǵys­taý  oblysynyń  ákimi  Qyrymbek  Kósherbaev, sondaı-aq “Qazaqstan Jastary kongresi” zańdy tulǵalar birlestiginiń atqarýshy dırektory Nurlan Sydyqov, Qazaqstan zań ýnıversıtetiniń prezıdenti, “Ádi­let” partııasynyń jetekshisi Maq­sut Nárikbaev, “Aq jol” QDP tór­aǵa­sy Álıhan Baımenov, t.b. qatysty. Talqylaý qorytyndysy boıyn­sha Premer-Mınıstr aıtylǵan eskertýler men  usynystardy  eske­re otyryp, usynylǵan jobany tolyqtyra túsý jóninde tapsyrma berdi.