Qamqorshylar keńesi bilim ordalarynyń jumysyn baqylaıdy

Otandyq joǵary oqý oryn­darynyń tájirıbesinde tuńǵysh ret Qamqorshylar keńesi júzege asty. Qamqorshylar keńesi – álemdegi damyǵan elderde negizinen bilim ordalarynyń jumysyn jetildirý ári tıimdi etý maqsatynda qurylǵan organ. Atalmysh keńesti Qorǵanys mınıstri Ádilbek Jaqsybekov basqarady. Sonymen birge, elimizdiń iri joǵary oqý orny Qamqorshylar keńesi músheleriniń qatarynda QR Prezıdenti Ákim­shi­ligi Basshysy­nyń orynbasary Máý­len Áshimbaev, Premer-Mınıstrdiń orynbasary — Indýstrııa jáne jańa tehno­logııalar mınıstri Áset Ise­keshev, Mádenıet mınıstri Muhtar Qul-Muhammed, Parlament Sena­ty­nyń depýtaty, Halyqaralyq qa­tynastar, qorǵanys jáne qaýip­siz­dik jónindegi komıtettiń tóraǵasy Qýanysh Sul­tanov, QazUÝ rek­tory, akademık Baqytjan Juma­ǵulov, elimizdiń IýNESKO janyn­daǵy turaqty ókili, aqyn Oljas Súleımenov, “Capital Partners” kompanııasy dırektorlar keńesiniń tóraǵasy Serjan Jumashev, Ulttyq ǵarysh agenttiginiń tóraǵasy, ushqysh-ǵaryshker Talǵat Musabaev, taǵy da basqa memlekettik organdar men bıznes-qoǵamdastyq jetek­shileri bar. Keńestiń birinshi otyrysynda negizgi eki másele qarastyryldy. Biri QazUÝ-diń bolashaǵy men damýy bolsa, endi biri Qamqor­shy­lar keńesiniń jumys jospary. Qor­ǵanys mınıstri Ádilbek Jaqsy­be­kov qatysýshylardy kún tártibimen tanystyryp ótkennen keıin, QazUÝ rektory Baqytjan Jumaǵulovtyń birinshi másele boıynsha esebi tyńdaldy. “Qazaqstandyq joǵary oqý oryn­dary arasynda Qamqorshylar keńesi ınstıtýtyn QazUÝ birinshi bolyp uıymdastyryp otyr. Mun­daı keńes álemdik ýnıversıtetter tájirıbesinde burynnan bar. Keńeste ýnıversıtettiń keleshekte damýy men ǵylym jáne bilim salalaryndaǵy kóp máseleler qaralatyn bolady”, degen ol. Ýnı­ver­sıtettiń oqý úderisi, áleýeti, tynys-tirshiligi, josparlarymen tanys­ty­ra kelip, basty maqsat: bilim orda­syn zamanaýı-ınnovasııalyq zert­teý ortalyǵyna aınaldyrý ekendigin alǵa tartty. Al Talǵat Musabaev: “Qamqorshylar keńesi álemdik ýnıversıtetterde elý jyldan asa ýa­qyttan beri jumys jasap keledi, atal­mysh ıgi istiń otan­dyq oqý ordasynda kórinis tabýy meni qýantyp otyr. Se­be­bi, biz keńes ju­mysyn jaqsarta oty­ryp, álemdik deńgeıdegi min­det­terdi atqarýdy qolǵa alamyz”, dese, “Memlekettiń bá­se­kege qabilettiligi ǵylym, bilimmen tyǵyz baılanysty. Sol sebepti, álemdik tájirıbeni qoldana otyryp, bul ıgi isti júzege asyrýymyz ýnıversıtettiń damyǵan elder qatarynda básekege tótep berýin arttyra túsedi”, dedi senator Qýanysh Sultanov. Prezıdent Ákimshiligi Basshy­synyń orynbasary Máýlen Áshimbaev bul bastama Qazaqstan biliminiń damýyna zor úles qosatynyn, Ákimshilik tarapynan Qamqorshylar keńesine qoldaý kórsetiletinin atap ótti. Saıagúl ÁLIMBEKOVA.