Jetimderdi jebedi

Beıbitshilik jáne kelisim saraıynda Bilim jáne ǵylym mınıstrliginiń bastamasymen “Qýan, sábı!” dep atalatyn qaıyrymdylyq aksııasy aıasynda Astana qalasy balalardyń quqyqtaryn qorǵaý departamentiniń uıymdastyrýymen “Astana tańy – sábı kúlkisimen” atty merekelik is-shara ótti. Biz ómir súrip jatqan qoǵamnyń eń álsiz, qoldaýdy asa muqtajdyqpen qajetsinetin top – jetim balalar. Janǵa batatyny, ondaı jandar qatary búginde kún sanap ósýde. Olardyń az bóligi – ata-analarynyń qaıtys bolýyna baılanysty jetim qal­sa, qalǵandary “áleýmettik jetimder” dep atalatyn topqa jata­dy. Iаǵnı, áleýmettik jetimder dep ata-anasy bar, biraq olardyń qam­qorlyǵynan tys qalyp qoıǵan balalardy aıtamyz. Resmı de­rek­terge súıensek, otanymyzda 4,5 mıllıon bala bar eken. Res­pýb­lıka boıynsha sonyń 46 myńy ata-ana qamqorlyǵynan aıy­ryl­ǵandar. Búginde olardyń 16 myńyn memleket óz qaraýyna alyp otyr. Bul balalar otbasylyq ómirdiń berekesi men ata-ana mahabbatyna muqtaj jandar. Jetim kórseń jebeı júr dep, bul shara qamqorlyqsyz qalǵan balalardyń sanyn azaıtýǵa arnalyp otyr. Árıne, jetim balalarǵa Úkimet tarapynan ǵana kórsetilip otyrǵan qoldaý azdyq etedi. Olar ana meıirimine, áke qamqorlyǵyna, ata men ájeniń aıaly alaqanyna muqtaj. Olarǵa qoldaý kórsetip júrgenderdiń “Montaj Drob Servıs” JShS dırektory Qaıyrbek Ábildınuly, “DorDasTreıd” JShS kommersııalyq dırektory Murat Sarın, “Astanastroıenergo” JShS dırektory Erkeǵalı Temirǵalıuly sııaqty bas-aıaǵy jeti azamattyń júrgenin aıta ketkenimiz abzal. Juldyz BAIDILDA, Eýrazııa Ulttyq ýnıversıtetiniń stýdenti.