Rýhanııat • 08 Sáýir, 2019
Aqyndyq qýaty quzart Alataýdan arqyraı qulaıtyn Jetisýdyń asaý ózenderindeı aryndy Ilııas Jansúgirov – ult tarıhyndaǵy umytylmas tulǵa. Halyq oǵan «Qazaq poezııasynyń Qulageri» dep ádil baǵasyn baıaǵyda-aq berip qoıǵan. Osy oraıda onyń izbasar inisi Tursynzada Esimjanovtyń myna bir jyr joldary eriksiz eske túsedi: «Qazaqtyń mańdaıyna óleń bitse, О́leńniń mańdaıyna bitip eń sen!». Oryndy oda. Aqynnyń ózi aıtqandaı: «О́z ulyn, óz erlerin eskermese, El tegi qaıdan alsyn kemeńgerdi?».