Suhbat • 17 Qarasha, 2022
Músilim Ámze: Dırıjerlik – bekzat óner
Qazaqstannyń klassıkalyq mýzyka ónerinde Ahmet Jubanov bastaǵan daryndy dırıjerler kóshin kásibı túrde jalǵastyryp kele jatqan qalyń shoǵyr bar. Solardyń arasynda ózine senimdi, baısaldy, mańǵaz mánerinen zııalylyq baıqalatyn Músilim Ámzeni aıryqsha ataýǵa bolady. Almatynyń janǵa jaıly maqpal keshin sahnanyń syrly áýenimen árleı túsip, kórermen kóńiline qanat baılap, yqylaspen shyǵaryp salatyn, shyǵarmashylyq konsertterde jıi boı kórsetetin maestronyń ónerin kórermen qashan da qurmetpen qabyldaıdy. Sıqyrly taıaqshamen aýada órnek salyp, búkil aspapty úılesimdi yrǵaqqa uıystyryp, orkestrdi bir tynyspen basqaratyn dırıjer ár shyǵarmanyń ózegine jan berip, ony qaıta tiriltip qana qoımaı, shabyt sheberligi men ónerdiń ólmes qudiretine eriksiz bas ıdiredi. Ulttyq konservatorııada bilim alyp, túrli orkestrmen shet el sahnalarynda sheberligin shyńdaǵan Músilim Ámze – Jambyl atyndaǵy qazaq memlekettik fılarmonııasy quramyndaǵy T.Ábdirashev atyndaǵy Qazaqstan Respýblıkasynyń memlekettik akademııalyq sımfonııa orkestri men N.Tilendıev atyndaǵy memlekettik akademııalyq folklorly-etnografııalyq «Otyrar sazy» orkestriniń dırıjeri. Sonymen qatar mýzyka ónerindegi ǵylymı-pedagogıka baǵytynda qyzmet etip júrgen ustaz.
Ulttyq sport • 16 Qarasha, 2022
Qazaqstan Respýblıkasy Memlekettik ortalyq mýzeıi Balalar jylyna oraı Almaty qalalyq mektep-ınternattary arasynda ulttyq oıyndar boıynsha «Mýzeı kýbogi» sporttyq týrnırin ótkizdi. Almaty qalasy Bilim basqarmasy qalalyq dene shynyqtyrý jáne sport ortalyǵymen birlesip uıymdastyrylǵan dúbirli dodada tórt top tartysqa tústi.
Qoǵam • 09 Qarasha, 2022
Almatyda Baurzhan foundation qory uıymdastyrǵan «Kitap fest» kitap festıvali ótti. Qazaqstannyń jalǵyz kitap festıvali bolyp tabylatyn aýqymdy shara Almaty qalasy ákimdiginiń qoldaýymen 2013 jyldan beri jyl saıyn ótkizilip keledi.
Tanym • 08 Qarasha, 2022
Dinı qoljazbalar men basylymdar kórmesi
Almatydaǵy Memlekettik ortalyq mýzeıdiń arnaıy alańynda «Dinı mazmundy qoljazbalar men basylymdar (QR MOM materıaldary negizinde)» atty kórme uıymdastyryldy. Qazaq halqynyń rýhanı mádenıetiniń asyl muralarynyń qatarynda sırek kezdesetin kóne dinı mazmundy qoljazbalar men basylymdardyń alatyn orny aıryqsha. Memlekettik ortalyq mýzeıdiń qorynda 220 birlikten asa deni qazaq, arab, parsy, shaǵataı, túrik, tatar tilderindegi jazba jádigerler caqtaýly.
Qoǵam • 01 Qarasha, 2022
Qazaqstan Respýblıkasy Memlekettik ortalyq mýzeıi on úsh jyldan soń oralǵan Respýblıka kúnin «Gúldene ber, meniń Qazaqstanym» atty patrıottyq is-sharamen atap ótti.
Aımaqtar • 20 Qazan, 2022
Arhıvsiz tarıh, tarıhsyz memleket bolmaıdy. Arhıv – adamzattyń bilimi men ǵasyrlar enshisindegi tájirıbesi, jazba tarıhynyń dáıekti dálelderi saqtalatyn qoımasy retindegi qyzmet sheńberin ýaqytpen birge keńeıtip keledi. Arhıvke memlekettik turǵydan qoldaý jasap, ondaǵy Ulttyq arhıv qoryna kiretin qundy arhıvtik qujattardy qorǵaý jáne jınaqtaý, esepke alý, olardyń saqtalýy men paıdalanylýyn qamtamasyz etý, zaman talabyna sáıkes arhıvti sandyq transformasııalaý men arhıv salasyndaǵy ǵylymı, ádistemelik baǵyttaryn jańǵyrtý – álemdegi barlyq el úshin ortaq másele.
О́ner • 18 Qazan, 2022
Dýlat Isabekov álemi halyqaralyq teatr festıvalinde bıikten kórindi
Kórnekti jazýshy, daraboz dramatýrg, Memlekettik syılyqtyń laýreaty Dýlat Isabekovtiń 80 jas mereıtoıyna oraılas ótkizilgen II halyqaralyq «Isabekov álemi» teatr festıvali óz máresine jetti. Qaryz ben paryz aldyndaǵy azamattyq uly muratyn bir túgendep, óz-ózinen esep alyp, elge esep berýdi jón kórgen jazýshy-dramatýrgtiń mereıtoıyn ádebıetimizdiń qýanyshy desek, jaıdaqtaý sıpattaǵanymyz, eń bastysy, ulttyq teatr óneriniń merekesine aınalǵan mundaı festıvaldy rýhanı keńistigimizdiń qazynasy, jetistigi dep baǵalaǵanymyz jón.
Týrızm • 16 Qazan, 2022
Qolóner – týrızmniń ajyramas bóligi
Almatydaǵy Ortalyq memlekettik mýzeıde ótken Halyqaralyq qolónershiler forýmy osy kásippen shuǵyldanatyn elimizdiń eń tańdaýly sheberleri men sheteldik sarapshylardyń basyn qosty. Forýmǵa Qazaqstannyń barlyq aımaǵynan, sonymen birge Eýropa men Ortalyq Azııa elderinen 150-den asa sheber-qolónershi qatysty. Qazaqstan qolónershilerin tolǵandyrar másele kóp, sondyqtan halyqtyq qoldanbaly óner ókilderi kezdesken jerde jıynnyń iskerlik sıpat alatyny belgili. Sebebi qolónershiniń qaı óńirden ekenine qaramastan, olardyń ónerine demeý bolyp, qushaq jaıyp qarsy alatyn alańdar az, aqysyz qatysatyn kórmeler, kásibin keńeıtýge qolaıly áleýetti áriptester joqtyń qasy, bılik oryndary qajet bolǵan kezde ǵana olardy izdep, antýraj retinde paıdalanyp, basqa ýaqytta umyt qaldyrýǵa úırengen, al halyqaralyq alańdaǵy qyzý saýda týraly sóz qozǵaýdyń ózi artyq.
О́ner • 14 Qazan, 2022
Bıyl Almatyda KSRO men Qazaqstannyń Halyq ártisi, «Halyq qaharmany» Roza Tájibaıqyzy Baǵlanovanyń 100 jyldyǵyna arnalǵan «Almatydaǵy altyn kúz «Qazaqkonsertpen» birge» óner festıvali tuńǵysh ret ótip jatyr. Roza Baǵlanova uzaq jyldar boıy Almatyda eńbek etti. Qazaqtyń bulbulyna qanat bitirip, mýzyka óneriniń bıigine sharyqtap shyǵýyna shabyt bergen Almaty desek, bul shyndyqpen kelispeıtin jan bolmasy belgili.
Teatr • 06 Qazan, 2022
1932 jyly Keńes ókimetiniń qaýlysymen Vladıvostokta Qıyr Shyǵys ólkelik koreı teatry bolyp irgesi qalanǵan Almatydaǵy Respýblıkalyq Memlekettik akademııalyq koreı teatry 90 jyldyq mereıtoıyn sán-saltanatymen atap ótti. Klýb úıirmeleriniń negizinde qurylǵan sol teatr qazaq jerinde ýyǵyn qadap, torqaly toqsan jasyna deıin túrli qıyndyqtardy bastan keshse de, esigine qara qulyp salǵan kezi joq, bir kún de eńsesin túsirmeı, erteńgi kúniniń jarqyn betterin jasampaz eńbegimen jazyp keledi.
