Oqıǵa • 30 Qarasha, 2023
30 qarasha kúni saǵat 15:50-de Shaıahmetov kóshesiniń boıyndaǵy kópqabatty qurylys nysanynda jumys istep jatqan kran qulady. Kabınada 49 jastaǵy kranshy otyrǵan. Marqum sol jerde qaza tapty.
Aımaqtar • 29 Qarasha, 2023
Chelıabi memlekettik ýnıversıtetiniń Qostanaı fılıalynda Qazaqstan men Reseıdiń irgeles óńirleri arasyndaǵy yntymaqtastyq máselesine arnalǵan «Eýrazııa qaqpasy» halyqaralyq forýmy ótti. Jıynda qazirgi qoǵam betalysyndaǵy ózekti máseleler men eki el arasyndaǵy ıntegrasııalyq úderister talqyǵa tústi.
Zerde • 29 Qarasha, 2023
Jitiqara óńiri baǵzy tarıhtyń talaı syryn búgip jatqany anyq. О́lketanýshy ǵalymdar ejelgi Arqaıym qalashyǵymen shektesetin Jitiqara mańynda kóne órkenıettiń izi bar ekenin, sondyqtan júıeli arheologııalyq zertteý jumystaryna suranyp-aq turǵanyn aıtady. Máselen, osy óńirdegi Jaltyrkóldiń jaǵasynda kezinde kóshpelilerdiń kóne monshasy bolǵan desedi. О́lke tarıhynyń bilgiri, ardager jýrnalıst Qýanysh Ormanov aǵamyz – osy monshaǵa túsip kórgen adam.
О́ndiris • 29 Qarasha, 2023
Kıik etinen konservi shyǵara bastady
Arqalyqtaǵy «Torǵaı et» jaýapkershiligi shekteýli seriktestigi kıik etin óńdep, konservi shyǵarýdy qolǵa alyp otyr. Et kombınatyndaǵy jańa óndiris 11 qarashadan bastap jumys istep jatyr. Sodan beri kásiporyn 4 myńnan asa konservi jasap shyǵaryp, qala dúkenderindegi saýda sórelerine qoıǵan.
Aımaqtar • 29 Qarasha, 2023
Jyly jaqqa qaıta almaı qalǵan jyl qusyn Qostanaı aýdanyna qarasty Aleksandrov eldi mekeniniń turǵyndary aýyl mańyndaǵy tas joldyń boıynan ushyrastyrǵan. Birqazan qazir Altynsarın aýdanyndaǵy Sılantev aýylynda, Araqaraǵaı orman sharýashylyǵynyń qoryqshysy Arystan Álimqojınovtyń qolynda. Ormanshy qus qolǵa úırense, kóktemge deıin baǵamyn dep otyr.
Qoǵam • 27 Qarasha, 2023
«Iqostanay» smart-ortalyǵynda daryndy shákirtterdiń qarym-qabiletin ushtaýǵa, balanyń jany qalaǵan ǵylym salasyna den qoıyp, óner úırenýine qajettiń kóbi tabylady. Quny 11,3 mlrd teńge bolatyn qosymsha bilim berý ortalyǵynyń irgetasy byltyr qalanǵan. Sodan bergi bir jyldan asa ýaqyt ishinde qurylysy tolyq aıaqtalyp, balalardyń ıgiligine berilip otyr.
Mıras • 23 Qarasha, 2023
Qostanaıda «Tórt toqsan – tórt óner» ulttyq mádenı-aǵartý jobasy aıasynda «Altyn saqa» olımpıadasy ótti. Mergender saıysyna óńirdiń segiz aýdanynan balabaqshaǵa baryp júrgen 50 shaqty búldirshin qatysty.
Mıras • 22 Qarasha, 2023
Ulttyq ónerge jańasha reńk ústep, boıalǵan qoı júninen qazaqy naqyshtaǵy kózaıym kórkemsýret týyndylaryn jasap júrgen Ańqaýovtar otbasyn búginde búkil Qostanaı jurtshylyǵy jaqsy biledi. Aǵaıyndy tórt jigittiń tórteýi de týmysynan sırek kezdesetin aıyqpas dertke shaldyqqan. Aıaq-býyndary aýyrady. Soǵan qaramastan, taıaqqa taıanyp júrip, ulttyq qolónerdi nasıhattaýdan tanbaı, oǵan qosa, talaı jas talapkerdi qolónerge baýlyp júrgen qaıys minez qaısar jandardyń óneri men ómirge degen qushtarlyǵy jan súısintedi.
Aımaqtar • 22 Qarasha, 2023
Qostanaı oblysyna jumys saparymen kelgen Eńbek jáne halyqty áleýmettik qorǵaý mınıstri Svetlana Jaqypova Rýdnyı qalasyna baryp, birneshe kásiporyndy aralady. Odan keıin óńirdiń óndiristik kásiporyndarynyń jumysshylarymen kezdesti. «Gornıak» mádenıet úıinde ótken jıynǵa «Sarybaı-Sokolov» ken baıytý birlestigi, «Krasnooktıabrsk boksıt keni basqarmasy», «Qostanaı mıneraldary», «Agromashholdıng», «Varvarınskoe», «О́rken» «SaryarqaAvtoProm», «Komarov taý-ken kásiporny» sekildi iri óndiris oryndarynyń jumysshylary men kásipodaq uıymdarynyń ókilderi qatysty.
Otbasy • 21 Qarasha, 2023
Syrttaı tym jupyny kórinetin segiz úıli Sát aýylynyń adamdary jazdaı bıe baılap, sıyr saýyp, tórt túlikten túsken tabıǵı taza ónimdi tabys kózine aınaldyryp otyr. Amangeldiden Qostanaı, Arqalyq, Astanaǵa qaraı shyǵatyn kúre joldyń boıynda jatqandyqtan, ári-beri aǵylǵan avtokóliktiń kóbi jolshybaı osy aýylǵa soǵyp, bal qymyzyn, jumsaq qurt, sary maı, qoıý qaımaǵy men tátti irimshigin ala ketedi.
