Scopus
Qoǵam • 14 Aqpan, 2023
«Scopus súrindirip tur»: ǵalymdar keıbir talaptardy qaıta qaraýdy surady
Birneshe jyl buryn Scopus derekter bazasyna gýmanıtarlyq salalalar boıynsha, sonyń ishinde ulttyq máselelerge qatysty ǵylymı maqalalardy jarııalaýdyń qajeti joq, bul talapty alyp tastasaq degen usynys aıtylyp, qyzý talqylanǵan edi. Jaqynda osy máselege qatysty Qazaqstan Respýblıkasy Ǵylym jáne joǵary bilim mınıstrliginiń 2023 jylǵy 9 qańtardaǵy № 7 buıryǵy jaryq kórdi. (Qazaqstan Respýblıkasynyń Ádilet mınıstrliginde 2023 jylǵy 10 qańtarda № 31654 bolyp tirkelgen). Onda qazaq tili men ádebıetine, qazaq fılologııasyna, Qazaqstan tarıhyna, qazaq fılosofııasyna qatysty bilim berý baǵdarlamalary boıynsha oqıtyn doktoranttar úshin Scopus (Skopýs) derekter bazasyndaǵy jýrnaldarǵa maqala jarııalaý mindetti emes delingen. Sol sııaqty, ǵalymdar jýrnalıstıka, saıasattaný, fılosofııa sekildi salalar úshin de atalǵan talap kúshin joıǵany jón deıdi.
