Osy kúni ne kóp, ártúrli deńgeıdegi óner saıystary, baıqaýlar men festıvaldar kóp, álbette, bul sharalardyń bári jas órken – jetkinshek urpaqtyń talabyn ósirýge baǵyttalatyny beseneden belgili. Respýblıkalyq dárejesi bar dástúrli baıqaýlarymyzdyń jóni bir bólek, áńgime keıingi kezde qyzyl naýqanǵa aınalǵan aqyly baıqaýlar týraly, olardyń kásibı mańyzy men maqsaty qandaı, ulttyq ónerimizdiń bedeliniń artýyna yqpal-sebi qanshalyqty degende.
