Tarıh • 29 Qańtar, 2014
Uly Otan soǵysynyń keıbir qupııalary Uly Otan soǵysy dep atalǵan qyzyl qyrǵynnyń ashylmaǵan qupııalary áli de kóp. 1940-shy jyldardyń basynda álemdegi eń úzdik soǵys qarýy jáne tehnıkasymen qarýlanǵan, áskeri oq-dárimen, kıimmen, tamaqpen, basqa da turmystyq qajettilikpen tolyq qamtamasyz etilgen, soǵysqa daıyndyǵy jaǵynan eń jetilgen joıqyn armııany daıyndyǵy múlde joq, keshe ǵana býhgalter, muǵalim, jýrnalıst bolyp júrgen ıntellıgensııa ókilderi jáne mal baǵyp, jaılaýda esinep júrgen, zaýytta segiz saǵat boıy aıaǵynan tik turyp, úıine tez jetýdi ǵana armandaǵan aýyl men qala jumysshylary qalaı jeńdi degen suraq kúni búginge deıin qoıyla beretini zańdy. Sonyń birshamasy orys tilin de túsinbegen, berilgen buıryqty teris uǵyp, artqa ketýdiń ornyna alǵa baryp jatqandary da bolmaı qalmaǵan.
