Almatyda keıingi bes jyldyń ishinde 25 balabaqsha salynyp, samaladaı sándi ǵımarattar sábılerdiń kúlkisine toldy. Tek sońǵy kúnderi ońtústik astanada tórt birdeı balabaqshanyń tusaýy kesilip, kezekte turǵan qala turǵyndary búldirshinderin jańa ortaǵa jetektep aparatyn kez keldi.
Almatyda keıingi bes jyldyń ishinde 25 balabaqsha salynyp, samaladaı sándi ǵımarattar sábılerdiń kúlkisine toldy. Tek sońǵy kúnderi ońtústik astanada tórt birdeı balabaqshanyń tusaýy kesilip, kezekte turǵan qala turǵyndary búldirshinderin jańa ortaǵa jetektep aparatyn kez keldi.
Sondaı zamanaýı jańa balabaqshanyń biri – turǵyndary tyǵyz ornalasqan Aınabulaq shaǵyn aýdanyndaǵy № 179 balabaqsha. Aınabulaq jaqtaǵy mektep jasyna deıingi jańa mekemeniń ashylý saltanatyna qala ákimi Ahmetjan Esimov qatysyp, eleýli oqıǵamen baldyrǵandardy, olardyń ata-analaryn quttyqtady, «Balapan» baǵdarlamasynyń mańyzdylyǵyn atap ótti.
– Aldymyzda turǵan mańyzdy mindetterdiń biri – bolashaq jas urpaqty tárbıeleý. Bul úshin Almatyda barlyq jaǵdaılar jasalýda – balabaqshalary men mektepter salynýda. Biz bala tárbıesiniń eń aldymen balabaqshadan bastalatyndyǵyn eskerýimiz kerek, – dedi shahar basshysy.
Ákim qalada 424 mektep jasyna deıingi balalar mekemesi bar ekendigin jetkizdi. Bularda 51 500 bala tárbıelenýde. Joǵaryda atap ótkendeı, tek sońǵy bes jyldyń ishinde ǵana megapolıste 4090 oryndy 25 balabaqsha salyndy. Osy jyldar ishinde 1740 oryndyq 7 ǵımarat qala menshigine qaıtaryldy. Nátıjesinde Almatyda balabaqsha sany 8,1 paıyzǵa (5 830 oryndyq) ósti.
Al Aınabulaq yqsham aýdanyndaǵy №179 balabaqshaǵa 120 búldirshin bara alady. Ol qazirgi zamanǵy jabdyqtarmen tolyq qamtylǵan. Oqý-tárbıe jumystary memlekettik tilde júzege asýda.
Taıaý arada megapolıstegi «Saıaly», «Alǵabas», «Aqbulaq» yqsham aýdandary men Shalıapın men Y.Altynsarın kósheleriniń qıylysynda jańa balabaqshalar boı kóteretin bolady.
Aınash ESALI,
«Egemen Qazaqstan».
ALMATY.
