AQSh-tyń Hıýston qalasyndaǵy NRG Stadium stadıonynda ótken oıynda fýtbol jankúıerleri baqandaı 8 golǵa kýá boldy. Bul ázirge álem chemponatyndaǵy eń iri esep aıyrmasymen aıaqtalǵan kezdesý bolyp otyr.
Birinshi taımnyń 6-shy mınýtynda nemister esep ashty. Felıks Nmecha kózge tústi. 21-shi mınýtta Kıýrasao shabýylshysy Lıvano Komenensııa tarazy basyn teńestirdi. Odan keıin Nıko Shlotterbek Germanııa quramasyn alǵa shyǵardy. Birinshi taım sońynda nemisterge qarsy aıyp alańynda ereje buzylǵany úshin tóreshi Kıýrasao qaqpasyna aıyp dobyn belgiledi. Kaı Havers penaltıden múlt ketken joq. Birinshi taım 3-1 esebin aıaqtaldy.
Ekinshi taım bastalǵan bette nemis fýtbolshylary júıeli shabýyl uıymdastyryp, Djamal Mýsıala esepti 4-1 jetkizdi. Budan keıin nemis mashınasy toqtap qalmaı taǵy 3 gol soqty. Germanııa sapynan Braýn, Ýndav jáne Havers dýbl jasady.
Fýtboldan álem chempıonaty-2026: Oıyndardyń tolyq kestesi men ýaqyty
Endi ekinshi týrda Germanııa quramasy Kot-d’Ivýarmen (20 maýsym), al úshinshi týrda Ekvadormen (25 maýsym) kezdesedi. О́z kezeginde Kıýrasao quramasy ekinshi týrda Ekvadormen (21 maýsym), úshinshi týrda Kot-d’Ivýarmen (25 maýsym) oınaıdy.
Toptyq kezeń 11-27 maýsym aralyǵynda ótedi. Komandalar bir-birimen aınalmaly júıe boıynsha kezdesip, árqaısysy úsh matchtan ótkizedi. Pleı-off kezeńine ár toptan úzdik eki qurama, sondaı-aq úshinshi oryn alǵan komandalar arasyndaǵy eń úzdik segiz qurama joldama alady.
