Foto: vıdeodan alynǵan kadr
Shabýyl saldarynan keminde 4 adam qaza tapqan.
Iran bıligi Izraıldiń áreketterin qatań synǵa alyp, Lıvanǵa qarsy áskerı operasııalar toqtamasa, oǵan jaýap qaıtaratynyn málimdedi.
Eske salaıyq, buǵan deıin Iran men AQSh Pákistannyń araǵaıyndyǵymen elektrondy formatta beıbit kelisimge qol qoıǵanyn jarııalaǵan bolatyn. Qujatta barlyq baǵyttar boıynsha, sonyń ishinde Lıvan aýmaǵyndaǵy áskerı qımyldardy toqtatý týraly tarmaq qarastyrylǵan.
Alaıda kelisimge qaramastan, Izraıl qorǵanys armııasynyń (SAHAL) shabýyldary jalǵasyp jatyr.
Lıvan Densaýlyq saqtaý mınıstrliginiń málimetine sáıkes, naýryz aıynyń basynan beri Izraıl shabýyldary saldarynan qaza tapqandar sany 3 700 adamnan asqan.
Eske salaıyq, Izraıl men Lıvan 40 jyl úzilisten keıin kelissózge kelgen bolatyn.
Keıin Izraıl men Lıvan arasyndaǵy atysty toqtatý rejımi úsh aptaǵa deıin uzartyldy.
Al Donald Tramp Lıvanǵa qarsy yqtımal áskerı áreket AQSh pen Iran arasyndaǵy kelisimge áser etpeıtinin málimdedi.
