Oblystyq polısııa departamentiniń habarlaýynsha, atalǵan fakti boıynsha qylmystyq is qozǵalǵan.
«Tergeý barysynda ólimge ákelgen jaraqatty áıeliniń birge ishimdik ishken kezde salǵany anyqtaldy», dep málimdedi polısııa ókilderi.
Sot sheshimimen kúdikti qamaýǵa alynyp, qazirgi ýaqytta Taldyqorǵan qalasyndaǵy tergeý ızolıatoryna ornalastyrylǵan.
Oqıǵa týraly aqparat buǵan deıin «NeMolchı» qorynyń áleýmettik jelidegi paraqshasynda jarııalanǵan bolatyn. Jazbada kúdiktiniń kópbalaly ana ekeni jáne uzaq jyldar boıy kúıeýiniń turmystyq zorlyq-zombylyǵyna ushyraǵany aıtylǵan.
Qor jarııalaǵan málimetke sáıkes, kórshiler er adamnyń únemi alkogoldik ishimdik iship, otbasynda janjal shyǵaryp, jaqyndaryna qol kótergenin jetkizgen. Alaıda bul aqparatty quqyq qorǵaý organdary ázirge resmı túrde rastaǵan joq.
Polısııa qyzmetkerleri oqıǵanyń barlyq mán-jaıyn jan-jaqty ári obektıvti anyqtaý úshin qajetti tergeý áreketterin júrgizip jatqanyn málimdedi.
Is boıynsha túpkilikti prosessýaldyq sheshim tergeý aıaqtalǵannan keıin qabyldanady.
