Abaı • 27 Qańtar, 2020
El Prezıdenti «Abaı jáne HHI ǵasyrdaǵy Qazaqstan» atty maqalasynda hakimniń tuńǵıyq oılarynyń tereńine boılaý, ony kúlli ómiriniń baǵdarshamy etý qazaq halqynyń máńgiliginiń máńgilik máselesi ekenin aıtty. Qasym-Jomart Kemeluly ult ustazynyń 175 jyldyq mereıtoıy – toı toılaý úshin emes, rýhanı turǵydan damýymyz úshin kerektigin uǵyndyrdy.
Rýhanııat • 27 Qańtar, 2020
Uly dala órkenıetiniń altyn tuǵyry
О́tken HH ǵasyrdaǵy qazaq halqynyń aqyl-oı jetistigi Abaı murasymen ólshenedi. Ol qazaqtyń «óz tizgini óz qolynan ketip», basybaılylyqtyń qamytyn birjola kıip, «árekemen ketken eldiń», rýhanı kúıreı bastaǵan múshkil halin «ýly sııa, ashy tilmen» ashyna jazdy. Qoǵamdaǵy bar taýqymetti «alystan sermep, júrekten terbep, taǵyna jetip qaıyrdy». «Ishi tolǵan ý men órt» bola tursa da úmitsizdikke, toryǵýǵa salynǵan joq, qaıta «synshyl realızm» sheńberin buzyp shyǵyp, ór rýhty optımıst aqynǵa, telegeı teńiz mol bilimdi, ǵulama-danyshpanǵa aınaldy. «Ǵylymdy izdep, dúnıeni kózdep» ár qııaǵa kóz saldy, týǵan dalasynyń danalyǵyn álemdik órkenıettiń ozyq oıymen ushtastyra meńgerip, óz «júreginiń túbine tereń boılady» sodan tapqan «shyn asylyn», «ishi altyn, syrty kúmis sóz jaqsysymen» halqyna bere bildi. Táńiriniń bergen týma talantyn, adamzat danalyǵymen nárlendirip «tolyq adam», hakim Abaı bolyp qalyptasty. Qazaqtyń taýsylmaıtyn sher-qaıǵysyna, boıyna qan júgirtken jan jylýyna, aqıqatyna júginetin ıman tarazysy men ar-uıatyna, únemi alǵa umtyldyryp otyratyn arman-muratyna, parasat bıigine kóterildi. Zamanynan ozyp týyp, el-jurtynyń sheshýi tarqatylmaıtyn «jumbaq adamyna» aınaldy. «Qalyń eli, qazaǵy» sol jumbaqty sheshý jolynda dana aqyn murasymen bir jarym ǵasyr syrlasyp, muńdasyp keledi. Ol – jyl ótken saıyn jańa qyrynan ashylyp, bıikteı túsetin uly dala órkenıetiniń altyn tuǵyry ispettes. Condyqtan aqynnan qalǵan asyl sóz oqyǵan saıyn nurlanyp, ózine degen halyq qumaryn arttyra túsedi. Biz Abaıǵa qanshalyqty qushtarlana den qoısaq, ulttyq rýhymyzdy da sonshalyqty tereń tanı bastaımyz. Búgingi rýhanı jańǵyrýdyń altyn ózegi de osy abaıtanýda ekenine kóz jetkize túskendeımiz. Abaıǵa biz ár kezeńde ártúrli jolmen janasyp otyrdyq. Al búgingi el Táýelsizdiginiń otyz jyldyǵy men dara tulǵanyń 175 jyldyq mereıtoıy qarsańynda oralýdyń jóni bólek.
Fýtbol • 27 Qańtar, 2020
Jańa zań Qazaqstan fýtbolyna serpin bere me?
О́tken jyldyń sońynda Qazaqstan fýtbol federasııasynyń Atqarý komıteti otyrysynda Eýrazııalyq ekonomıkalyq odaqqa (EAEO) múshe elderdiń azamattaryn bıyldan bastap Qazaqstan Premer-lıgasynda legıoner retinde sanamaý týraly sheshim qabyldanǵan. Iаǵnı, 2020 jyldyń 1 qańtarynan bastap Reseı, Belarýs, Armenııa jáne Qyrǵyzstannyń fýtbolshylary bizdiń elde Qazaqstan fýtbolynyń túlegi retinde otandastarymyzben teń dárejede oınaı alady.
Rýhanııat • 27 Qańtar, 2020
Jarty ǵasyrda – sırk óneri týraly qazaq tilindegi alǵashqy kitap shyqty
Amandyq bolsa, aldaǵy kúnderi Almatydaǵy Qazaq memlekettik sırki óziniń 50 jyldyǵyn atap ótedi. Osy aıtýly data qarsańynda alǵash ret qazaq tilinde jazylǵan Nurbaqyt Bokebaevtyń «Qazaqstandaǵy sırk óneriniń bastaýlary men damýy» atty kitabynyń tusaýkeseri ótti. Almatydaǵy Ulttyq kitaphanada ótken tusaýkeserge ónerdegi tanymal tulǵalar men BAQ ókilderi kóptep jınalyp, sırk artısteri saltanatty sharanyń sánin asyrdy.
Rýhanııat • 27 Qańtar, 2020
