Qazaqstan • 06 Qańtar, 2023
Qaraly qańtar: Eldiktiń syn saǵaty
Elimizdi dúrliktirgen Qańtar qasiretine 1 jyl boldy. Bastapqyda beıbit bastalyp, sońy qarýly qaqtyǵysqa ulasqan osynaý oqıǵa kezinde halqymyz úlken qatermen betpe-bet keldi. Memleketimizdiń tutastyǵy men táýelsizdigine zor qaýip tóndi. Bul oqıǵanyń áli de ashylmaǵan, jalpy kópshilikke beımálim tusy kóp. О́tken aptada Májilis depýtattary halyqtyń kókeıinde júrgen suraqtarǵa kúshtik qurylymdar men memlekettik organdar basshylary jaýap berýin talap etken bolatyn. Osyǵan oraı keshe Bas prokýror Berik Asylov Májiliste depýtattar saýalyna jaýap berdi. Sonymen qatar jıynǵa Ishki ister mınıstri men ózge de sala basshylary, zańgerler men sarapshylar, oqıǵa kýágerleri qatysty. Bas prokýror shabýyldaýshylarǵa oq atý Prezıdenttiń málimdemesinen buryn bastalǵany jóninde atap aıtty. Onyń aıtýynsha, kúshtik qurylym qyzmetkerleri jaýyngerlik qarýdy birinshi ret Almatydaǵy Prezıdent rezıdensııasyn qorǵaý kezinde – 5 qańtar kúni saǵat 16:00 shamasynda qoldanǵan. Al Memleket basshysy el tutastyǵyna qaýip tóndirgenderge qarý qoldaný týraly buıryqty 7 qańtarda bergen bolatyn. «Demek shabýyldaýshylarǵa qarsy oq atý Prezıdenttiń belgili málimdemesinen edáýir buryn bolǵan. Is júzinde, qylmyskerlerge oq atý úshin kúshtik qurylymdarǵa arnaıy buıryq qajet emes. Bul jóninde quqyq qorǵaý qyzmeti týraly, Ulttyq ulan týraly, terrorızmge qarsy is-qımyl týraly zańdarda tikeleı normalar bar. Olar adamdardyń ómiri men densaýlyǵyna qater tóngen jaǵdaıda shabýyldy toıtarý úshin atys qarýyn qoldanýǵa múmkindik beredi», dedi Bas prokýror.
Ekonomıka • 06 Qańtar, 2023
Deklarasııa tapsyrýdy umytpańyz!
Bıyldan bastap memlekettik mekemelerdiń qyzmetkerleri jáne olardyń jubaıy, sondaı-aq kvazımemlekettik sektor sýbektileriniń qyzmetkerleri jáne olardyń jubaıy salyq organdaryna kirisi men múlki týraly deklarasııa tapsyrýǵa mindetti. Iаǵnı osy jyly jalpyǵa birdeı deklarasııalaý bıýdjet qyzmetkerlerine – muǵalimderge, dárigerlerge, sport jáne mádenıet ókilderine, sondaı-aq kvazımemlekettik jáne ulttyq kompanııalardyń qyzmetkerlerine qatysty bolady. Málimetterdi ýaqtyly usynbaǵandarǵa ákimshilik aıyppul salynady.
Qoǵam • 06 Qańtar, 2023
Elimizde 49 jekemenshik IT-mektep Tech Orda baǵdarlamasy boıynsha IT-mamandardy daıarlaýdy bastady. Bul baǵdarlama Prezıdent Qasym-Jomart Toqaevtyń tapsyrmasyn oryndaý maqsatynda ázirlengen bolatyn. Dálirek aıtsaq, Memleket basshysy 2025 jylǵa qaraı keminde 100 myń IT-maman daıarlaý mindetin júktegen edi.
Qoǵam • 06 Qańtar, 2023
Ázerbaıjan astanasy Bakýde ótken SAF-2022 robottehnıka festıvalinde Qazaqstan oqýshylary jeńis tuǵyrynan kórindi. Súıinshi habardy Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın jetkizdi.
Aımaqtar • 06 Qańtar, 2023
Jaqynda Qazaly qalasynyń turǵyny Maǵrıpa Lepesovanyń baspanasy otqa oranyp, qysty kúni qyraýda balalarymen dalada qalǵan edi. Bul jaǵdaıdan habardar bolǵan qala jastary oqys jaǵdaıǵa ushyraǵan otbasyna kómek kórsetip, jabyrqaǵannyń janynan tabyldy.
