Fransýz jazýshysy, Gvadelýpanyń týmasy Marız Konde ádebıet boıynsha alternatıvti Nobel syılyǵynyń laýreaty atandy.
Shved akademııasyna múshe 100 óner qaıratkeri 2018 jyly ádebıet salasy boıynsha Nobel syılyǵynyń berilmeýine qarsylyq retinde alternatıvti Nobel syılyǵyn uıymdastyrǵan. The New York Times basylymynyń habarlaýynsha, bul báıgeniń júlde qory mıllıon shved kronasyn nemese 112 myń dollardy qurady. Ol "Iа, Tıtýba: Chernaıa vedma Salema" kitabynyń avtory, ol XVIII ǵasyrda Batys Afrıkada bolǵan Salemdegi sot prosesi kezinde sottalǵan qara áıel týraly áńgimeleıdi.
Osy konkýrstyń fınalısteri Brıtandyq fantast Nıl Geıman men vetnamdyq-kanadalyq novellıst Kım Tıýı boldy. Aıta keteıik, Shved akademııasy Ádebıet boıynsha Nobel syılyǵyn tapsyrý rásimin 2018 jyldan keler jylǵa aýystyrǵan bolatyn.
Buǵan deıin japon jazýshysy Harýkı Mýrakamı alternatıvti baıqaý nomınasııasynan bas tartqan. Agenttiktiń málimetteri boıynsha, Mýrakamı Shvesııanyń jańa akademııasymen baılanys jasap, ózin 2018 jylǵy nomınanttar qatarynan alyp tastaýdy suraǵan. Ol óz sheshimin kitap jazýdy jalǵastyrý jáne BAQ nazarynan tys bolǵysy keletindigimen túsindirgen.