Jyl saıyn 5-11 synyp oqýshylary arasynda ótetin dástúrli baıqaýǵa oblys ortalyǵyndaǵy qazaq jáne orys mektepterinde oqıtyn alpysqa tarta talapker qatysty.
Eki kúnge sozylǵan bilim saıysynyń alǵashqy kezeńi «О́leń sózdiń patshasy – sóz sarasy» dep atalady. Bul atalym boıynsha bilimpaz balalar Abaı men Shákárim shyǵarmalaryn mánerlep oqýdan jarysty. Al «Kóńilim ándi uǵady» nomınasııasynda Abaı men Shákárimniń án-kúılerin oryndaýshylar baq synasty. Músháıra túrinde ótken «Júırikten júırik ozar» saıysynda talapker aqyndardyń tól óleńderi oqyldy.
- Bastysy, balalar Abaı atalary jaıly kóp izdenip, tereńirek bile túss eken deımiz. Bul kezeńde ozyp shyqqan oqýshylar oblystyq baıqaýǵa joldama alady. Baıqaýda júldegerlerge baǵaly syılyqtar men maqtaý qaǵazdaryn berýmen ǵana shektelip kelemiz. Keleshekte «Abaı oqýlarynyń» respýblıkalyq deńgeıdegi jeńimpazdaryna ataýly stıpendııalar men oqý granttary bólinse ıgi bolar edi, - deıdi qalalyq bilim bóliminiń mamany Janar Dúısembaeva.
Qostanaı