Jer júzin jaılaǵan jaısyz indettiń taralý jaǵdaıynda halyq oqshaýlanyp, saqtyq úshin karantın talaptaryn saqtaýǵa májbúr. Degenmen bul qolaısyzdyqtyń ózin qalaýyn taýyp, rýhanı turǵydan oı-órisińizdi keńeıtý úshin paıdalanýǵa bolady eken.
Osy rette, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy mádenıetter men dinderdiń ǵasyrlar boıǵy baı murasy men tarıhyn kórsetý maqsatynda «Álemdik jáne dástúrli dinderdiń kıeli ári qasıetti jerleriniń vırtýaldy týrlaryn» jınaqtap, oqyrman nazaryna usynady.
ZD formatyndaǵy vırtýaldy saıahat arqyly tórtkúl dúnıeniń túkpir-túkpirindegi túrli tarıhı eskertkishtermen, onyń ishinde ıslam dininiń kıeli mekeni – Mekkedegi Qaǵbamen, Ierýsalımdegi – Akshardham hramymen, Bodhaıa býddalyq qasıetti ortalyqpen, Sıntoıstik Isýkýsımamen tanysýǵa múmkindik bar.
Qazaqstanda áıgili «Áziret Sultan» murajaı kesheniniń de keremetterin dál osylaısha vırtýaldy kórinisin tamashalaýǵa bolady, onyń ishinde Qoja Ahmet Iаsaýı, Rabııa Begim Sultan, Esim Han, Gaýhar Ana mazarlary men Qylýet jer asty meshitiniń kórinisi usynylǵan.
Sondyqtan elimizdiń qaı aımaǵynda bolsyn, barlyq qyzyǵýshylyq tanytýshy oqyrmandar ózderiniń rýhanı qajettilikterin ǵylym men tehnıkanyń jańalyqtaryna súıene otyryp qanaǵattandyra alady.
Usynylǵan vırtýaldy týrlarmen Ortalyqtyń resmı áleýmettik jelilerinen tanysýǵa bolady:
https://www.facebook.com/NNCIICD/, https://twitter.com/nncdiicdoffice, https://www.instagram.com/nncdiicdofficial/?hl=ru.