Halyqaralyq Túrki akademııasynyń uıymdastyrýymen Abaıdyń 175 jyldyq mereıtoıyn halyqaralyq deńgeıde atap ótý maqsatynda «Abaı jáne HHI ǵasyr: dáýirler sabaqtastyǵy» atty onlaın konferensııa ótti. Onda Abaıdyń túrik, ázerbaıjan, qyrǵyz, ózbek tilderine aýdarylǵan shyǵarmalarynyń tusaýy kesildi.
Halyqaralyq Túrki akademııasy túrki álemniń tuǵyrly tulǵasy, uly oıshyl Abaı Qunanbaıulynyń 175 jyldyq mereıtoıyna arnalǵan halyqaralyq «Abaı jáne HHI ǵasyr: dáýirler sabaqtastyǵy» atty onlaın konferensııada Akademııa basyp shyǵarǵan birneshe jańa kitap tanystyryldy. Atap aıtqanda, Abaı shyǵarmalarynyń túrik tilindegi tolyq jınaǵynyń jáne Muhtar Áýezovtyń 2 tomnan turatyn «Abaı joly» roman-epopeıasynyń jaryqqa shyǵýy oqyrman qaýym úshin eleýli jańalyq ekeni sózsiz. Bul týyndylardyń barlyǵyn túrkııalyq aýdarmashy-qalamger Zafer Kıbar aýdarǵan.
Sonymen qatar professor Nergıs Bıraıdyń jetekshiligimen danyshpan aqyn týraly tyń zertteýler men buryn jarııalanbaǵan qundy maqalalardan turatyn túrik tilindegi ǵylymı jınaqtyń tusaýy kesildi. Bul kólemdi basylymdy Abaıtaný salasyna qosylǵan qomaqty eńbek retinde atap ótýge bolady. Sebebi munda baýyrlas túrki elderindegi tanymal ǵalymdardyń Abaıdyń ómiri men shyǵarmashylyǵyn jan-jaqty qamtyǵan mazmundy maqalalary toptastyrylǵan.
Budan bólek, Abaı Qunanbaıuly óleńderi men poemalarynyń qyrǵyz tilindegi jınaǵy da oqyrmanǵa jol tartty. Buǵan deıin de uly aqyn shyǵarmalary qyrǵyz tiline tárjimalanǵandar az bolmaǵan. Al bul alǵashqy akademııalyq basylym bolýymen mańyzdy. Jınaqqa Abaı murasynyń ár jyldarda aýdarylǵan týyndylarynyń eń tańdaýlylary toptastyrylyp, ǵylymı túsiniktemelerimen berilgen.
Sondaı-aq Abaı «Qara sózderiniń» belgili pýblısıst Aıda Eıvazova tárjimalaǵan ázerbaıjan tilindegi basylymy men prefessor Qozoqboı Iýldoshev aýdarǵan ózbek tilindegi nusqalary qatysýshylardyń nazaryna usynyldy.