Táýelsiz qazaq eliniń búgingi ul-qyzdarynyń Abaıdy jańasha tanýy Qazaqstannyń Tuńǵysh Prezıdenti, Elbasy Nursultan Ábishuly Nazarbaevtyń esimimen tyǵyz baılanysty. Áli esimizde uly Abaıdyń 150 jyldyǵy Tuńǵysh Prezıdentimizdiń tikeleı bastamasymen, baqylaýymen jáne óziniń qatysýymen álemdik deńgeıde atap ótilgen bolatyn. Osy bir uly Abaıdyń Nazarbaev bastaǵan sharasymen qazaq rýhanııaty jańa bir bıik beleske kóterilgendigin bárimiz de sezindik. Rasynda da, Abaıdyń 150 jyldyq mereıtoıynyń IýNESKO uıymynyń qoldaýymen ótkendigi qazaq tarıhynyń jańa bir betteri bolǵandyǵy anyq edi.
Respýblıkalyq «Egemen Qazaqstan» gazetinde jarııalanǵan Nursultan Nazarbaevtyń «Abaı amanaty» maqalasy Abaıdyń ulylyǵyn tanytýdaǵy tyń bir soqpaq bolǵandyǵyn aıtar edim. Bul oraıda, Elbasynyń «Uly aqyn, dana oıshyl Abaı HIH jáne HH ǵasyrlar toǵysyndaǵy aǵartýshylyq nemese
oıaný dáýiriniń kóshbasshysyna, eldiń bolashaq baǵdaryn aıqyndap bergen rýhanı temirqazyǵyna aınaldy», dep Uly dalanyń oıshyly Abaıǵa tereńinen baǵa beredi. Adamzat órkenıeti kez kelgen halyqtyń danalaryn tarıh sahnasyna shyǵaryp kelgendigi jáne shyǵara bereri de anyq. Osy oıdy biz Elbasynyń «Abaı amanaty» maqalasynan jan-jaqty tanı tústik.
Tuńǵysh Prezıdentimiz búgingi jáne keler urpaqqa Abaıdyń amanatyn salıqaly oımen jetkizedi. Bul oraıda, Abaı murasyndaǵy halyqtyń muń-muqtajy, arman-qııaly Nursultan Nazarbaevtyń oı-múddesimen sabaqtasyp jatqandyǵyn ańǵarýǵa bolady. О́ıtkeni Abaı óz jurtynyń múddesin oılap, halqyn jaqsylyqqa jetelese, Qazaqstannyń Tuńǵysh Prezıdenti, Elbasy Nursultan Ábishuly Nazarbaev sol qalyń jurtyn táýelsizdikke jetkizdi. Qazaq eli táýelsizdiginiń az ǵana jyldarynda Qazaqstandy álem tanyǵan memleketke aınaldyrdy. Bul oraıda, álem Qazaqstandy eń áýeli Nazarbaevtyń esimimen jáne isimen tanyǵandyǵyn aıtýǵa bolady.
Dana Abaı eliniń birligin ańsady. El-jurtynyń bilim men ǵylymdy meńgerýin qalady. Alaıda sol kezdegi dáýir dúrmegi Abaıdyń bul ańsar muratyna jetkizbedi. Sol halqy táýelsizdiktiń arqasynda bilimi men ǵylymy damyǵan memleketke aınalǵandyǵyn kózimiz kórip otyr. «Jasymda ǵylym bar dep eskermedim, qolymdy mezgilinen kesh sermedim» degen Abaı ókinishinen Nursultan Nazarbaev óziniń prezıdenttik qyzmeti kezinde sabaq ala bildi. Qazaqstannyń bilimi men ǵylymyn damytý máselesi Elbasynyń aıryqsha nazarynda boldy. El táýelsizdiginiń alas-kúles kezeńderiniń ózinde Tuńǵysh Prezıdenttiń bastamasymen «Bolashaq» baǵdarlamasy ashylyp, qazaqtyń ul-qyzdary álemniń eń ozyq oqý oryndarynda bilim alý múmkindigine ıe boldy. Bul kóregendik edi. Qazir sol «Bolashaq» baǵdarlamasy boıynsha shet memleketterden bilim alyp kelgen jastar táýelsiz Qazaqstannyń ár salasynda abyroıly jáne jemisti eńbek etip júr.
Elbasy óz maqalasynda Abaıdyń ómiri men shyǵarmasyn tutas qamtıtyn «Jıdebaı-Bórili» memlekettik tarıhı-mádenı jáne ádebı memorıaldyq qory mýzeıi qurylǵandyǵyn, aqshańqan kúmbezdi Abaı-Shákárim kesenesi turǵyzylǵandyǵyn jazady. Bul sóz joq táýelsizdiktiń alǵashqy jyldaryndaǵy ekonomıkalyq qıynshylyqtarǵa qaramastan júzege asyrylǵan Abaıdyń máńgilik eskertkishine aınalyp, osy kúnderi halqymyzdyń jáne shetelderden kelip jatatyn qonaqtardyń kóńil qýanyshtaryna aınaldy. Biz sol úshin de Elbasyna rızashylyǵymyzdy bildiremiz.
Táýelsiz Qazaqstan urpaqtary úshin Abaıdyń joly elimizdiń Tuńǵysh Prezıdenti Nursultan Nazarbaevtyń hakimdi ulyqtaý jolymen bastalǵandyǵyn basa aıtqym keledi. Endi mine, sol uly Abaıdyń 175 jyldyǵy elimizde keńinen atalyp otyr. Bul oraıda, Qazaqstan Prezıdenti Qasym-Jomart Toqaevtyń dem berýimen Abaı muralary qaıtadan jańǵyryp jatyr. Oıshyly bar halyqtyń aıbyny bıik! Abaıy bar halyqtyń mártebesi joǵary.
Jabal ERǴALIEV,
jazýshy, Qazaqstannyń eńbek sińirgen qaıratkeri, Senatorlar keńesiniń múshesi
Kókshetaý