Qazaqstan táýelsizdiginiń 30 jyldyǵyn merekeleý aıasynda Reseı Ulttyq kitaphanasynda Jambyl Jabaevtyń 175 jyldyǵyna arnalǵan kitap kórmesiniń ashylý saltanaty ótti, dep habarlaıdy Egemen.kz SIM baspasóz qyzmetine silteme jasap.
Kórme Qazaqstannyń Sankt-Peterbýrg qalasyndaǵy Bas konsýldyǵy men jergilikti «Ata-Meken» qazaq dıasporasy birlestiginiń ortaq bastamasymen uıymdastyryldy.
Is-sharaǵa Reseı Ulttyq kitaphanasynyń basshylyǵy, Sankt-Peterbýrg qalasynda turatyn qazaq jáne basqa dıasporalardyń ókilderi, sondaı-aq Sankt-Peterbýrg qalasynyń turǵyndary men qonaqtary qatysty.
Kórmege álemniń birneshe tilinde jaryq kórgen Jambyldyń shyǵarmashylyǵyna baılanysty 100-den astam túrli eksponattar qoıyldy.
Kitaphana basshylyǵy atalǵan is-sharanyń eki el arasyndaǵy gýmanıtarlyq yntymaqtastyqty keńeıtý men nyǵaıtý úshin mańyzdylyǵyn atap ótti. Qatysýshylardyń pikirinshe, bul shara Sankt-Peterbýrg aýdıtorııasyn Qazaqstan halqynyń mádenı murasy men rýhanı baılyǵymen tanystyrýǵa jaqsy múmkindik usyndy.