El eńsesin tikteıtin bastama

Jalǵasyn tapty degenim, Mem­leket basshysy Qasym-Jomart Toqaev 2019 jyly óziniń saılaýaldy baǵ­darlamasynda  saıası reformalar jasaýdy atap kórsetken bolatyn. Al sodan keıin osy ýaqytqa deıingi Jol­daýlary arqyly berilgen tapsyrmalary elimizdegi saıası transformasııa­ny kezeń-kezeńimen iske asyryp jatty.

Naqty aıtatyn bolsaq, saıası refor­malardyń tórt  toptamasy iske asty. Al adam quqyqtary týraly ońtaıly ári ózekti ózgeristerdi Prezı­dent keshegi Joldaýynda erekshe atap ótti. Munyń barlyǵy syrttaǵy geo­saıası jaǵdaıǵa qaramaı, ishtegi ekono­mıkalyq ahýaldy tejegish kórmeı, ózi bastaǵan demokratııalyq ózgeristerdi kezeń-kezeńimen júzege asyryp kelgenin keshegi Joldaý da dáleldep otyr. Bul Joldaýdy jarııalaý barysynda elimizdiń búgini men bolashaǵy jolynda óte jaýapty jáne batyl bastamalar aıtylyp jatqanyn estip, sol bastamalardy iske asyrýdyń úlken jaýapkershilik júkteıtinin sezindim. 

Joldaýda Parlamenttiń ókilet­tigin arttyrýǵa, majorıtarlyq saılaý júıesin birtindep engizýge, Pre­zı­dentten bastap, oblys ákimderin, saıası qyzmetkerlerdi qosymsha saıası-qoǵamdyq, partııalyq basqarý min­detterinen bosatýǵa, el ekonomıkasyn damytýǵa qatysty mindetterdi sapaly atqarýǵa qatysty naqty tapsyrmalar berildi. Ásirese, el úshin asa ma­ńyzdy, halyqtyń kóp nazar qoıǵany saılaý júıesin túbegeıli ózgertý ba­ǵytyndaǵy sharalardy sóz etti.

Sonymen qatar ózime qatty jaqyn bolǵan jańalyqtyń biri – elimizde úsh jańa oblystyń paıda bolýy. Bul sol oblystardyń halqyna jańa múmkindik beredi, ómir sapasynyń jaqsarýyna jol ashady. Menińshe, halyqtyń kópten kútken, eldiń eńsesin kóteretin, jańa belesterge bastaıtyn bastamalar bul. О́zgeris ońaılyqpen kelmeıtinin túsinsek te, Prezıdent áleýmettik, saıası jáne ekonomıkalyq turǵydan óte mańyzdy qadamdarǵa bara alatynymyzdy kórsetti. Men ózim zor qýanyshpen qabyldaǵan jańalyqtar kóp boldy, bul – Joldaýda.

Bul jumystardyń barlyǵyna bizdiń belsendiligimiz, jigerimiz ben kú­shimiz asa qajet. Jańa Qazaqstan­dy qurý jolynda árbirimiz sol jaýap­ker­shilikti sezinip, árkim óz qolynan kelgen isin adal atqaryp, eldigimiz ben ult múddesin tý etip jumys is­tegenimiz abzal. Sondyqtan otandas­tarymdy osy jumysqa bilek sybana kirisýge shaqyramyn. Qasym-Jomart Kemelulynyń myna bir sózin óte ja­qyn qabyldadym: «Men el halqynyń erteń emes, búgin jaqsy ómir súrgenin qalaımyn!» Bul bárimiz úshin – úlken syn. Syn saǵattarda syndarly is-áre­ketter jasaý halqymyzǵa tán qasıet. Endeshe bilek sybana kiriseıik!

Maksım ROJIN,

Ulttyq qoǵamdyq senim

keńesiniń múshesi