Eldiń áleýmettik-ekonomıkalyq damý máseleleri jónindegi keńeste, sonymen qatar Úkimet otyrystary men halyqqa joldaýlary, óńirlerdi damytý máseleleri jónindegi keńesterde sóılegen sózderinen Memleket basshysynyń eldegi jaǵdaıdan jan-jaqty habardar ekenin baıqaýǵa bolady.
Ákimshiliktiń málimetterdi jedel jınap, usynys beretini túsinikti. О́kinishke qaraı, Prezıdenttiń keı tapsyrmalarynyń oryndalmaý ne bolmasa qaǵaz júzinde ǵana oryndalý úrdisi bar. Problemaly faktorlar da oryn alyp jatyr: bir jaǵynan qolaısyz konıýnktýra, ekinshi jaǵynan atqaminerliktiń dástúrli iritkisi. Memleket basshysynyń Úkimettiń ne bolmasa mınıstrlikterdiń sylap-sıpaǵan sıfrlaryna qaramastan qandaı mindetterge jiti nazar aýdarý qajettigin eske salyp otyrýy úshin «qolmen» basqarý rejimine barýǵa májbúr ekeni túsinikti. Prezıdentte sheneýnikter tolyqqandy jáne jarııa etýge qulyqty emes aspektilerdi qamtıtyn aqparat bar. Memleket basshysy halyqpen keri baılanys máselesine de jiti nazar aýdaryp otyr.
Prezıdenttiń qatysýymen ótken keńeske barlyq deńgeıdegi máslıhat depýtattarynyń shaqyrylýy jaıdan-jaı emes. Máslıhat – halyq pen jergilikti deńgeıdegi memlekettiń ózara is-qımylynyń birinshi negizgi joly. Keıingi jyldary máslıhattardyń dıalog júıesinen syrt qalǵanyn kórip otyrmyz. Saılaý ótkennen keıin olardy umytatyn edik jáne máslıhattyń tyńdaý ótkizýi nemese ákimdikterdiń jumysyn baqylaǵany aıryqsha biline bermeıtin. Sondyqtan da ótken jyly saıası konstıtýsııalyq reforma aıasynda máslıhatty jasaqtaý tártibi ózgerdi, olardyń ókilettigi keńeıdi. Búginde máslıhatqa úlken máseleler táýeldi: sol sebepti de olar ákimdik sheshimderin maquldaıtyn fılıal emes, olardyń jergilikti jerde sheshilý joldaryn ózektendiretin jáne baqylaıtyn organǵa aınalýǵa tıis. Prezıdent te keńeske jınalǵan máslıhat ókilderine olardyń birinshi kezektegi mindeti jergilikti turǵyndardyń múddesin qorǵaý ekendigin, jeńil-jelpi tanymaldyqqa boı aldyrmaý kerektigin aıtty.
Danııar ÁShIMBAEV,
saıasattanýshy