Ulttyq quryltaı – qoǵam men bılik arasyndaǵy altyn kópir. Munda óz isiniń mamandary qordalanǵan ulttyq aýqymdaǵy máselelerdi ortaǵa salyp, bılikke jetkizedi.
Quryltaıda Prezıdent til máselesin baıyppen sheshý keregin aıtty. Shynymen de, memleket qazaq tilin úırenýge bar jaǵdaıdy jasady. Oǵan eshqandaı kedergi joq. Tipti ózge ult ókilderiniń emin-erkin meńgerýine qolaıly múmkindik qarastyrylǵan. Máselen, Almatydaǵy uıǵyr etnomádenı ortalyǵynda qazaq tilin oqytatyn jeksenbilik mektep bar. Tildi meńgerýge qulshynys júrekten shyǵýǵa tıis. Adamda qalaý bolmasa, qyrýar qarjy bólinse de, tildi oqyp jarytpaıdy. Al júrekti ashatyn qural – patrıotızm. Ásirese ulttyq patrıotızmge balany jastaı, balabaqshadan baýlý kerek. Sonyń ishinde balalarǵa arnalǵan mýltfılmderde halqymyzdyń batyrlary kóbirek kórsetilse. Baldyrǵandar solarǵa eliktep elin súıetin, jerin qorǵaıtyn er-azamat bolyp ósýge talpynar edi.
Jalpy, balalarǵa arnalǵan oqýlyqtar, olarǵa beriletin tárbıe jaıynda Prezıdent jaqsy oı órbitti. Munyń barlyǵy el damýynyń aldaǵy strategııalyq josparyna kiretini meni erekshe qýantty.
Shaımardan NÝRÝMOV,
Qazaqstan uıǵyrlarynyń respýblıkalyq etnomádenı birlestiginiń tóraǵasy