Memleket basshysynyń ár jylǵy Joldaýynda Úkimet aldyna qoıǵan mindetteri retimen nátıje berip keledi. Bıylǵy Joldaýda da Memleket basshysy birneshe tapsyrma berdi. Onyń ishinde búginde halyqty ábigerge salǵan mektep, sý, gaz, energııa kózderiniń qolǵa alý máseleleri bar.
Prezıdent óz sózinde «Sý únemdeıtin tehnologııalardy engizý asa mańyzdy. 2040 jyldarǵa qaraı Qazaqstandaǵy sý tapshylyǵy 12-15 mıllıard tekshe metrge jetýi múmkin. Sý sharýashylyǵy nysandarynyń 60%-y tozyp tur. Olqylyqtyń ornyn toltyrý úshin óte shuǵyl sharalar qajet» dep atap ótti. Osy rette Prezıdent Joldaýynda eldiń áleýmettik-ekonomıkalyq damý baǵyty aıqyn kórinis tapty.
Sý máselesiniń óte ózekti ekeni ras, ásirese ashyq sý kózderi joq, teńiz sýyn aýyzsý retinde tushytyp paıdalanatyn Mańǵystaý óńirinde sý jyldan-jylǵa óte ózekti máselege aınalyp keledi. Halyq sanynyń artýy, ónerkásip oryndarynyń ashylýy da jaǵdaıdy qıyndata túsýde. Mal jáne egin sharýashylyǵyndaǵylar úshin qudyq kózderin qazý nemese baıyrǵy qudyqtar kózin arshyp paıdalaný tıimdi bolatyn túri bar. Qary men jaýyn-shashyny az ólkede qolda bar sýdy, aýyzsýyn uqypty, tıimdi paıdalanbaı, beı-bereket jumsaý túbi aýyr zardaptarǵa soqtyrýy múmkin. Sondyqtan Memleket basshysynyń sýdy únemdeý, sýdy paıdalana bilý mádenıeti, sýdaǵy «kóleńkeli» is-áreketterge qatal qaraý bastamasy qýantarlyq.
Osy atalǵan jobalarǵa qatysty mamandar Prezıdent Joldaýynyń mańyzyn uǵyna otyryp, ondaǵy tapsyrmalardyń rettilikpen iske asýy jolynda jumyla eńbek etýge tıis.
Serik ÁBÝOV,
«Tıgen» sharýa qojalyǵynyń tóraǵasy
Mańǵystaý oblysy