Joldaý kókeıde júrgen kóp suraqqa jaýap berdi. Memlekettiń damýyna septigin tıgizetin birneshe jańa baǵyt anyqtaldy. Depýtat qana emes, qatardaǵy azamat retinde de Joldaýdan jaqsy bastamalar kórdim.
Eń birinshi – AES salý máselesin halyqtyq referendýmda qaraý. О́te ońdy sheshim. Endi halyq ózi tańdaý jasaıdy. Demokratııalyq qoǵamdy osylaı ǵana qalyptastyra alamyz. Ekinshi – qorǵanys salasyn kúsheıtý. Bul da óte qajetti qadam. Aınalamyz alasapyran bolyp jatqan kezeńde aldyńǵy orynda memlekettiń qaýipsizdigi turý kerek. Ol úshin Qarýly kúshter jańa tehnıkamen, sońǵy úlgidegi qarý-jaraqpen qamtamasyz etilýge tıis. Úshinshi – aýyldy damytý. Prezıdent Joldaýda aýyl halqyna sharýashylyǵyn damytýǵa barynsha jaǵdaı jasaýdy tapsyrdy. Aımaqtar úshin bul – jaqsy jańalyq.
Árıne, Joldaýda qamtylǵan búkil máseleni shaǵyn pikirmen talqylaý múmkin emes. Aldaǵy ýaqytta ony túsindirý jumystary júıeli túrde jalǵasady. Meniń aıtqym kelgeni, endigi kezek – Úkimet pen Parlamentte. Memlekettiń damýy Prezıdenttiń Joldaýyndaǵy sóz ben oryndaýshylardyń isine jalǵassa ǵana qarqyndaıtynyn esten shyǵarmaıyq. О́kinishke qaraı, Prezıdenttiń kóp tapsyrmasy tıisti deńgeıinde oryndalyp jatqan joq. Sondyqtan biz qoǵam bolyp jumylyp, tapsyrmalardyń oryndalýyna atsalysýymyz qajet. Sonda ǵana naqty maqsattarǵa qol jetkizemiz.
Rınat ZAIYTOV,
Májilis depýtaty