Geografııa páni boıynsha Eýropa olımpıadasy (EGeo) Lıtva elinde ótti. Atalǵan bilim báıgesinde Qazaqstan quramasy joǵary nátıje kórsetip, jeti medal jeńip aldy. Taldyqorǵan qalasyndaǵy №24 mamandandyrylǵan lıseıdiń 9-synyp oqýshysy – Daryn Bekbol top jardy. Ol kishi (jasóspirimder) sanatynda (12-15 jas) eń úzdik atanyp, altyn medal ıelendi, dep jazady Egemen.kz.
Oqý-aǵartý mınıstrliginiń habarlaýynsha qola júldeni Shymkent qalasyndaǵy NZM-niń 9-synyp oqýshysy – Mıkael Pochýkaev jeńip aldy.
Negizgi (úlken) jas sanatynda (16–19 jas) Qazaqstan quramasynyń qorjynyna medal salǵandar:
– Qostanaı qalasyndaǵy NZM 10-synyp oqýshysy Andreı Enbahtov;
– Taldyqorǵan qalasyndaǵy NZM 12-synyp oqýshysy Aqjol Bolat;
– Aqtóbe qalasyndaǵy NZM 12-synyp oqýshysy Alıhan Kalmagambetov;
– Pavlodar qalasyndaǵy NZM 11-synyp oqýshysy Mansýr Tursynǵalıev;
– Taldyqorǵan qalasyndaǵy NZM 10-synyp oqýshysy Ramıl Imashev.
Komandanyń jetekshileri men jattyqtyrýshylary – respýblıkalyq jáne halyqaralyq olımpıadalardyń birneshe dúrkin júldegerleri Abaı Dúısen men Aqberen Aıjaryq.
Aıta ketelik, EGeo olımpıadasy 2015 jyldan beri ótkizilip keledi. Basty maqsat – geografııa jáne ekologııa salasyna qyzyǵýshylyqty arttyrý. Baıqaý úsh kezeńnen turady: jazbasha test, mýltımedııalyq tapsyrma jáne dala týry. Barlyq tapsyrmalar aǵylshyn tilinde oryndalady. 2024 jyly Qazaqstan quramasy alty medal enshilegeni málim.