Aqynnyń ádebı murasyn tolyq zertteý úshin onyń shyǵarmashylyq zerthanasymen tanys bolǵan jón. Iаǵnı «qalamger jazý ústeline qandaı kóńil kúımen otyrdy?», «týyndyny qanshalyq ýaqytta jazyp shyqty?» degen suraqtar mátinniń mánine tereń boılaýǵa kómektesedi.
Al hakim Abaıdyń shyǵarmashylyq zerthanasy týraly balasy Týraǵul bylaı dep jazady: «Tańerteńnen keshke deıin kóbine orystyń kitabyn oqıdy da, ara-tura jastyqty baýyryna basyp, aldynda aq qaǵazy, qolynda qaryndashy, kúńirenip otyryp óleń jazyp tastaıdy. О́ńi qashyńqyrap, azyraq entikken kisideı tanaýy kebińkirep, kózi jasaýrańqyrap, estir-estimesteı kúńiregenniń ishinde kúbirleńkirep, kóp jazyp kep ketkende, kóp toqtala oılana bermeıdi de, qaıta syzyp túzetpeıdi de, óleńniń tyǵyny sýyrylyp ketkenge uqsaıdy», deıdi hakimniń uly.