Almaty qalasyndaǵy QR Ulttyq kitaphanasynyń N.Dáýletova atyndaǵy zalynda Uly Abaıdyń 180 jyldyǵyna arnalǵan «Adamzattyń Abaıy» sharalar sıkli aıasynda memlekettik tapsyryspen jaryq kórgen kitaptardyń tusaýkeseri ótti.
Is-shara QR Mádenıet jáne aqparat mınıstrligi Arhıv, qujattama jáne kitap isi komıtetiniń qoldaýymen uıymdastyryldy.
Sharanyń maqsaty – Abaıdyń 180 jyldyǵyna oraı jaryq kórgen eńbekterdi keńinen nasıhattaý.
Tusaýkeserge «Abaıtanýdyń keıbir máseleleri» kitabynyń avtory, akademık, professor, Qazaqstannyń eńbek sińirgen qaıratkeri Zarqyn Syzdyquly Taıshybaı, QR Mádenıet jáne aqparat mınıstrligi Arhıv, qujattama jáne kitap isi komıtetiniń tóraǵasy Rýstam Alı, Qazaqstan Jazýshylar odaǵynyń basqarma tóraǵasy Mereke Qulkenov, QR Memlekettik syılyǵynyń ıegeri, aqyn Aqushtap Baqtygereeva, fılologııa ǵylymynyń doktory, professor Qanseıit Ábdezuly, ádebıettanýshy-ǵalym Qorabaı Serikqazy Sybanbaıuly, professor Rýda Záıkenqyzy Záıkenova qatysty.