Tulǵa aıaldaǵan tóbe

Dál osy aýdanǵa 1978 jyly Qazaq­stannyń memleket jáne qo­ǵam qaıratkeri, sol kezdegi bi­rinshi hatshy Dinmuhamed Qonaev kelipti. Jergilikti ­basshylar In­derbor – Qara­baý jolynyń bo­ıyndaǵy «Oń­da­syn jalynda» aýdandaǵy qaz­ba baı­lyqtyń san túrinen ar­­naıy kórme uıymdastyryp, ­ıge­rý máselesin kóteripti. Sodan keıin turǵyndar bul dóńdi «Dımash tóbe» dep ataıtyn boldy.

Aýdandyq qurylys bó­limi­niń basshysy Daryn Ilııa­sovtyń aıtýynsha, ańyz tulǵa aıaldaǵan tóbede ashyq aspan astyndaǵy murajaı salynyp jatyr. Nysannyń qurylysy 2023 jyly qa­rashada bastaldy. Ony jyl sońyna deıin aıaqtaý josparlanypty.

«Bul – Inderbor kentinen 8 shaqyrym qashyqta orna­lasqan tarıhı oryn. Oblys ákiminiń usynysymen atalǵan tarıhı oryndy qaıta jań­ǵyrtyp, ashyq aspan astyn­daǵy murajaıǵa aınaldyrýdy kózdedik. Sol sebepten, bul oryndy óńirlik týrıstik kartaǵa engizý maqsatynda jańa joba daıyndaldy. Jobaǵa sáıkes ashyq murajaıǵa kirer tustaǵy mańdaıshaǵa «Dımash tóbe» ataýy jazylady», deıdi Daryn Ilııasov.

Onyń deregine qaraǵanda, murajaı mańdaıshasy doǵa pishindes bolady. Mańdaı­shanyń sol jaq baǵanyna sol kezde túsirilgen tarıhı fotonyń kóshirmesi qoıy­lyp, oń jaǵyna nysan jó­ninde aqparat beriledi. Al mu­rajaıdyń aýmaǵyna Dender kúmbezindegi qazba baılyqtyń túrleri, onyń ishinde mıneral tastar men rýdalar salyn­ǵan birneshe jáshik ornatý kózdelgen. Jáshikter tastan jasalady. Sondaı-aq eki úl­ken kúmbezdi kompozısııa ornatylady.

«Bul keshen Inder aýda­nyndaǵy tabıǵı baılyqtyń ereksheligin tanytatyn ári týrısterdi kóptep tartýǵa yqpal etetin nysan bolady. Sol sebepten, «Dımash tó­beni» óńirdiń tarıhı-ta­nymdyq jáne týrıstik ­ále­ý­etin arttyratyn tanymal orynǵa aınaldyrýdy josparlap otyrmyz. О́ıt­­keni bul keshen bir aýdannyń ­ǵana emes, óńirdegi arheolo­­gııa­lyq jádigerlerdi, mıne­ral tas­tar men tarıhı-mádenı muralardy jınaqtaıtyn ­bi­re­geı ortalyqqa aınala­dy», deıdi D.Ilııasov.

Jańa keshenniń aýmaǵy – 1750 sharshy metr. Ny­sannyń qurylysyn «SK Lıra» JShS júrgizip jatyr.

Atyraý oblysy