«Aq jol» demokratııalyq partııasy usynǵan prezıdenttikke kandıdat Danııa Espaeva Nur-Sultan qalasyndaǵy arnaıy ekonomıkalyq aımaqta ornalasqan «Qazaqstan Paramaýnt Injınırıng» JShS ujymymen kezdesti. Úmitker óziniń saılaýaldy baǵdarlamasyn qorǵanyc salasyndaǵy elimizdiń iri ónerkásip ujymyna tanystyrdy. Zaýyt qazaqstandyq ásker men áskerı kúsh qurylymdaryn brondy tehnıkamen qamtamasyz etedi. О́nerkásiptiń qýaty jylyna 120 mashına shyǵarýǵa jetedi. Bronetransporterlerdi jaqyn arada álemdik naryqqa shyǵarý josparlanǵan.
D.Espaeva sehtyń jumysymen tanysyp, otandyq kásiporyndy mazalaıtyn suraqtarǵa jaýabyn berdi. Onyń ishinde nesıelerdiń joǵary mólsherlemesi men memlekettik tapsyrystardyń qysqa ýaqyttylyǵy qozǵaldy. Kandıdat munyń bári óz baǵdarlamasynda kórinis tapqanyn aıtty. «Osyndaı kásiporyndar úshin memlekettik tapsyrystardyń ýaqyty bir jyl emes, kem degende úsh jyldan aspaýy tıis. Bul otandyq ónerkásipterdiń jumys qýattylyǵyn arttyryp, básekelestikke qabiletin joǵarylatady. Baǵdarlamamda nesıe mólsherlemesin tómendetý máselesi kórsetilgen. Qazir bul kompanııa ekinshi dárejeli banktermen jylyna 16 paıyzdyq mólsherlemede nesıelenedi. Taıaýda ǵana biz ony 14 paıyzǵa ózgerttik. Munyń ózi – joǵary mólsherleme», dedi ol.
T.Raqymbekovtiń saılaýaldy baǵdarlamasynda azyq-túlik qaýipsizdigine erekshe mán berilgen. Ásirese shetten keletin taýarlardyń sapasyna qatysty suraq kóp. Sondyqtan qoǵamdyq shtab ókilderi otandyq sharýa qojalyqtaryna barynsha qoldaý kórsetip, óndirisin jandandyra túsý kerektigin aıtty. «Bizdiń negizgi maqsatymyz – atadan kele jatqan osy kásipti óndiristik jolǵa qoıý. Eger bizdiń azamattar barynsha den qoıatyn bolsa, eshkimnen kem ónim almaıdy. Sebebi halqymyz bul kásiptiń qyr-syryn jaqsy biledi», dedi respýblıkalyq qoǵamdyq shtab tóraǵasy Álı Bektaev.
«Maqsatym – osy qymyzymyzdy álemge tanytý. Onyń bári erinbeı eńbek etsek, ózimizdiń qolymyzda tur. Atap aıtsam, qazir meniń qymyzym da, qurtym da Duty Free-de satylyp jatyr. Sonyń ózi jaqsy kórsetkish. Shetelden tanyp-bilip jatatyndar barshylyq», dedi «Saǵyp» sharýa qojalyǵynyń jetekshisi Tóleý Qushmanova. Fermerler aýyl sharýashylyǵyn kóterýdi basty ustanymy etken partııanyń múshelerinen óz kásipterin odan ári jandandyra túsýdiń baǵyt-baǵdaryn surap bildi.
Kásipodaqtar federasııasynan prezıdenttikke kandıdat Amangeldi Taspıhovty qoldaý maqsatynda Nur-Sultan qalasynda PechaKucha formatynda jastardyń ıntellektýaldy konferensııasy ótti. Oǵan 200-den asa qonaq jınaldy. Konferensııany kandıdattyń senim bildirilgen adamy, Nur-Sultan qalasyndaǵy qoǵamdyq shtab jetekshisi Tastanbek Esentaev ashty. Ol kandıdat A.Taspıhovtyń saılaýaldy tuǵyrnamasyn tanystyrdy.
Minberde sóılegenderdiń qatarynda ǵalym-genetık, regeneratıvti medısına salasyndaǵy biregeı jobalardyń avtory Bolat Sultanqulov, Qazaqstan sporttyq-saýyqtyrý kásipodaqtary qoǵamynyń vıse-prezıdenti Baqytjan Esjanov, etnograf, Ulttyq mýzeıdiń materıaldyq emes mura bóliminiń basshysy Áıgerim Musaǵajınova, lıngvıst, tilderdi oqytýdyń biregeı ádistemesiniń avtory Vladıslav Ten, fızıka-matematıka ǵylymdarynyń doktory, ıadrolyq medısına salasyndaǵy ǵylymı jobalardyń avtory Serik Nurkenov boldy. Spıkerler ózderiniń prezentasııalaryn úlken ekranda kórsetip, kórermenderdiń suraqtaryna jaýap berdi.
Qazaqstan Kommýnıstik halyq partııasynan prezıdenttikke kandıdat Jambyl Ahmetbekovtiń Qyzylorda óńirindegi saılaýaldy shtabynyń ókilderi oblystyq medısına ortalyǵynyń qyzmetkerlerimen kezdesý ótkizdi. Shtab jetekshisi Talǵat Teleýbaev partııanyń Parlament Májilisinde memlekettik deńgeıde jumysshy taptyń múddesin qorǵaý múmkindigi bar ekenin aıtty. Depýtattar áleýmettik-ekonomıkalyq sıpattaǵy máselelerdi kóteretini, sonyń ishinde medısına salasyna qatysty qozǵalǵan taqyryptar erekshe atalyp ótti.
Sodan keıin T.Teleýbaev kandıdattyń saılaýaldy tuǵyrnamasynyń negizgi baǵyt-baǵdaryn keńinen túsindirip, eldegi kedeıshiliktiń shynaıy deńgeıin qaıta sanaý kerektigin jáne bul qubylysty ózekti áleýmettik másele dep taný qajettigin atap ótti. «Qazaqstanda aýqatty azamattar barshylyq. Sondaı-aq kedeılik sheginde nemese oǵan jaqyn deńgeıde ómir súretin adamdardyń sany artyp keledi. Salyq salý júıesin ýaqyt talabyna saı jetildirý mańyzdy. Qoǵam ádiletsiz tabysqa kónbeýi tıis. Bizdiń halyqty, bizdiń ekonomıkany tonap jatqan adamdar qaı jaqta jasyrynyp júrse de, ádil sotqa berilýi tıis. Orta tapty qozǵamaı, ústeme tabysqa ıe adamdarǵa tabys salyǵynyń joǵary mólsherlemesin qoldaný qajet», dep málimdedi ol.
Nur Otan partııasynan prezıdenttikke kandıdat Qasym-Jomart Toqaevtyń respýblıkalyq qoǵamdyq shtab ókilderiniń sapary Batys Qazaqstan óńirinde jalǵasty. Alǵashqy kezdesý «Batys Qazaqstan mashına jasaý kompanııasy» aksıonerlik qoǵamynda ótti.
Qoǵamdyq shtabtyń jetekshisi Máýlen Áshimbaev basqosý barysynda kandıdattyń saılaýaldy baǵdarlamasy týraly jan-jaqty aıtyp berdi. «Q.Toqaev kóp jyldan beri Elbasymen birge órkendegen, turaqty Qazaqstandy qurýǵa atsalysyp keledi. Ol túrli laýazymdy qyzmetter atqarǵan. SIM, Úkimet, sondaı-aq Senatty basqara júrip, memleketimizdi damytýǵa aýqymdy úles qosty. Kandıdattyń saılaýaldy baǵdarlamasy ashyq ári túsinikti, úsh negizgi qaǵıdaǵa toptasqan. Bizdiń kandıdatymyz beıbitshilik pen kelisimdi saqtaý, elimizde ómir súrip jatqan túrli etnostyq toptar arasyndaǵy alaýyzdyqty boldyrmaý baǵytyn ustanǵan», dedi Máýlen Áshimbaev.
Atalǵan zaýyt – 30 jyldyq tarıhy bar biregeı kásiporyn. Qazaqstandaǵy munaı men gaz tasymalyna, energetıkalyq qurylǵylar men qurylys salasyna qajet joǵary tehnologııalyq qural-jabdyqtar osynda shyǵarylady. Myńnan astam adam eńbek etedi. Al geografııalyq turǵyda zaýyt Reseıdiń Samara, Saratov, Volgograd, Orynbor jáne Astrahan oblystarymen shektesedi. Bul – kórshiles jatqan munaı-gaz óndiretin aımaqtardan ónimdi eksporttaýǵa da qolaıly aımaq. 2011 jyldan bastap kásiporyn gaz burǵylaý agregattaryn jóndeý salasynda qyzmet kórsetetin General Electric kompanııasymen tyǵyz qarym-qatynasta jumys istep keledi.
* * *
Al Á.Qosanovtyń saılaýaldy qoǵamdyq shtaby músheleri elordada taǵy bir naýqandyq is-shara ótkizdi. Kandıdattyń senim bildirilgen adamdary belsendi jastarmen birge «Astanalyq», «Shapaǵat» jáne «Tulpar» jabyq bazarlarynda úgit-nasıhat jumystaryn belsendi júrgizdi. Aksııa sheńberinde kandıdattyń tuǵyrnamasynyń basym-baǵyttary túsindirilip, saılaýshylardyń suraqtaryna jaýap berildi. Úgit-nasıhat toby bazarlap kelgen jurtqa úmitkerdi qoldaýǵa arnalǵan naýqandyq paraqshalar taratyp, sýretke tústi. Bul is-shara barlyǵy 200-ge jýyq adamdy qamtydy.
Araǵa bir kún salyp Á.Qosanovtyń saılaýaldy shtabynyń ókilderi qalanyń turǵyn aýdandarynda úgit-nasıhat sharalaryn ótkizdi. «Saılaýshymen kezdesý» aksııasy Abaı, Respýblıka, Bógenbaı jáne Saryarqa kósheleriniń aýqymyn qamtydy. Nasıhatshylar toby aýlalardy aralap, kezikken turǵyndarǵa kandıdattyń negizgi ustanymdaryn jan-jaqty túsindirip, qarapaıym jurttyń pikirleri de eskerildi. Aksııany qyzý júrgizip júrgen eriktilerge turǵyndar tarapy túsinistik tanytyp, úlestirilgen úgit-nasıhat materıaldaryn qarap, qyzyǵýshylyq bildirdi. Aýlalardyń múıisterine kandıdatty qoldaýǵa shaqyrǵan paraqshalar japsyrylyp, úı aldynda serýen qurǵan úlkender jaǵy qoǵamdyq shtab ókilderimen pikirlesti.
* * *
«Men baǵdarlamamda memlekettik tildiń mártebesin kóterýdi basty maqsat etip alǵandyqtan, barlyq kezdesýlerdi ana tilimizde júrgizip kelemin. Halqymyz ana tili jáne Jer-Ana dep nege aıtady? Bul – til men jer taǵdyryn bólip qaraýǵa bolmaıdy degen sóz. Demek, ulttyń jany men aryna balanǵan máselege beıjaı qaramaıtyn urpaq ar-namysty bárinen bıik qoıý kerek. Ol úshin jastardyń áleýmettik jaǵdaılaryna da kóńil bólý qajet. Meniń baǵdarlamamda barlyq qazaqstandyqtardy baspanamen qamtamasyz etý, joǵary bilim jáne medısınalyq kómekti tegin berý, zeınetaqy kólemin kóterý, jastar arasyndaǵy jumyssyzdyqty joıý máseleleri de kórinis tapqan», dedi S.Túgel.
Jıynda memleket jáne qoǵam qaıratkeri Jeken Qalıev, belgili ǵalym jáne uıymdastyrýshy, pedagogıka ǵylymdarynyń doktory A.Qulnazarov, «Juldyz» jýrnalynyń bas redaktory Ǵ.Jaılybaı, «Mysl» jýrnalynyń bas redaktory A.Sandybaı, Qazaqstannyń eńbek sińirgen qaıratkeri, belgili kompozıtor B.Áshirbaev, aqyn A.Ahmetbekov, Qazaq sport jáne týrızm akademııasynyń birinshi prorektory M.Esqalıev qatysty. Taǵylymy mol kezdesýdi belgili jýrnalıst A.Serikqalıqyzy júrgizdi.
