Buǵan deıingi asa iri halyqaralyq dodada top jaryp, júldeli oryndardan kórinip júrgen qazaqstandyq Narıman Qurbanov pen Mılad Karımı Tumandy Albıondaǵy álem birinshiliginde de tamasha ónerimen kózge túsip, irikteý saıystarynan irkilmeı ótti.
Dúnıe júziniń eń myqty degen gımnasttarymen sheberlik baıqasqan jerlesterimiz óz baǵdarlamalarynda joǵary upaı jınap, alǵashqy úshtiktiń qatarynan kórindi. Atap aıtqanda, erkin jattyǵý baǵdarlamasy boıynsha jarysqa shyqqan Mılad Karımı irikteý básekesinde 14.733 upaımen 3-oryn alsa, Narıman Qurbanov at snarıadynda óner kórsetip, ol da úshinshi satyǵa turaqtady (15.033 upaı). Jeke baǵdarlamanyń fınaldyq jarystary 5 qarashaǵa josparlanǵan. О́kinishke qaraı, fınalda irikteýde jınalǵan upaılar esepke alynbaıdy.
Munyń aldyndaǵy komandalyq saıystyń irikteýinde Qazaqstannyń erler quramasy 18-orynnan kórinip, fınalǵa shyǵa almady. El namysyn Mılad Karımı, Narıman Qurbanov, Dmıtrıı Patanın, Ilııas Azızov pen Emıl Ahmedjanov qorǵaǵan bolatyn. Sondaı-aq áıelder arasyndaǵy jeke baǵdarlamanyń irikteýinde qazaqstandyq Aıda Baýyrjanova 77-shi (46.765 upaı), Kórkem Erbosynqyzy 107-satydan (41.799) kórinip, kelesi kezeńge óte almady.
Lıverpýldegi álem chempıonaty 6 qarashada máresine jetedi.
