«Metallýrg Arenada» ótken kezdesý jerlesterimiz úshin sátti bastalǵandaı edi. Alǵashqy kezeńde esep ashylmaǵanymen, ekinshi kezeńniń alǵashqy 10 mınýtynda jerlesterimiz eki shaıba soǵyp, esepte alǵa shyǵyp aldy. 23-mınýtta Nelson Noje mergendigimen kózge túse, 28-mınýtta Djeremı Brakko nysanany dál kózdedi. Áıtkenmen, qazaqstandyq jankúıerlerdiń qýanyshy uzaqqa sozylǵan joq. Muzaıdyn ıeleri aınaldyrǵan 4 mınýttyń ishinde jyldam shaıbalar soǵyp, tarazy basyn teńestirip ketti. Aldymen «Barystyń» eks-oıynshysy Pavel Akolzın (31-mınýt) esep aıyrmasyn qysqartsa, keıinnen Fılıpp Maıe (35) komandasynyń ekinshi shaıbasyn soqty. Al býllıt serııasynda «Metallýrg» komandasynyń baǵy jandy – 3:2.
