Sportty damytý dıreksııasynyń málimeti boıynsha, erler básekesinde synǵa túsken Qazaqstan quramasy jartylaı fınalda Japonııa sportshylaryna jol berip (20:4), qola júldege talasý múmkindigine ıe boldy. Bul synda Damır Temirhanov baptaıtyn elimizdiń sý doby sheberleri Irannan basym túsip (8:5), Azııa birinshiliginiń qola júldesin moıyndaryna ildi.
Al Andreı Sazykın jetekshilik etetin Qazaqstannyń áıelder quramasy da Sary qurlyq dodasynyń júldegeri atandy. Olar úshinshi oryn úshin ótken básekede Taıland sportshylarymen sheberlik baıqasyp, baqandaı toǵyz upaı aıyrmashylyǵymen tize búktirdi – 14-5. Sondaı-aq Qazaqstan quramasynyń oıynshysy Darıa Mýraveva bıylǵy Sary qurlyq dodasynyń úzdik surmergeni atandy. Qazaqstannyń erler men áıelder quramasy osy jetistiginiń arqasynda kelesi jyly Japonııanyń Fýkýoka qalasynda alaýy tutanatyn sý sporty túrlerinen HH álem chempıonatyna joldama aldy.
