Birer kún buryn О́fede «Salavat Iýlaevty» san soqtyryp, pleı-off aımaǵyna qaıta oralǵan jerlesterimiz bul týrda «Avtomobılıstten» aılasyn asyra almady. Jergilikti «Ýrales Arenada» ótken básekede aıdyn ıeleri 2:0 esebimen jeńiske jetti. Kezdesý bastalǵan bette «Avtomobılıst» oıynshylary basymdyqty óz qolyna alyp, «Barys» qaqpasynyń mańaıynda jıi boı kórsetti. Nátıjesinde, oıynnyń altynshy mınýtynda Nık Ebert esep ashyp, reseılik klýbty alǵa shyǵardy.
Úzilisten keıin Andreı Skabelka shákirtteri tarazy basyn teńestirýge qansha tyrysqanymen, olarǵa bul oıynda shaıba soǵý múmkindigi buıyrmady. Esesine, 36-mınýtta aıdyn ıelerinen Brýks Meısek mergendik tanytyp, oıynnyń núktesin qoıdy – 2:0. Úshinshi kezeńde komandalar gol soǵa alǵan joq. Endi «Barys» Qazaqstanǵa oralyp, 19 qarashada Habarovskiniń «Amýrymen» kezdesedi.
