Jerlesimiz Grekııadaǵy jarysta kıprlik Mıhael Gınetlýmen birge jup qurap óner kórsetti. Olar týrnırdiń fınal básekesinde namıbııalyq Israel Dove men grekııalyq Rafael Pagonıspen kezdesip, eki sette – 7:6, 6:3 esebimen jeńiske jetti. Sondaı-aq J.Sanjaruly osy dodanyń jekeleı synynda da táýir nátıje kórsetip, fınalǵa deıin jetti. Degenmen bas júlde úshin ótken saıysta aýstrııalyq Morıs Freıtagqa eki sette jol berdi – 1:6, 2:6.
Sonymen qatar Ispanııadaǵy Rafael Nadal akademııasynda ótken 14 jasqa deıingiler arasynda úshinshi sanattaǵy jarysta taǵy bir qazaqstandyq tennısshi Eva Korysheva juptyq synda fınalǵa deıin jetti. Ol Shveısarııa ókili Lýana Kappelmen birge tıtýl úshin ótken asa tartysty matchta ıtalııalyq Kostansa Rıkon men aýstralııalyq Elen Hırshıden jeńilip qaldy – 6:1, 3:6, 8:10.
