Sportty damytý dıreksııasynyń málimeti boıynsha, Qazaqstan erler quramasy semserlesýden komandalyq saıystyń shırek fınalynda jarys qojaıyny О́zbekstandy 45:29 esebimen jeńgenimen, jartylaı fınalda Mysyr quramasyna jol berdi – 45:35. Al qola júlde jolynda Qyrǵyzstan sportshylaryn tize búktirdi – 45:32. Ulttyq qurama sapynda Bogdan Lýkın, Ǵabıden Mustafın, Georgıı Tınnıkov, Aleksandr Fedotov óner kórsetti.
Al qylyshtasýdan elimizdiń áıelder quramasy jartylaı fınalda Túrkııany jeńe almady – 45:36. Alaıda Moldovany senimdi utyp (45:30), Álem kýboginiń qola júldesin jeńip aldy. Áıelder quramasynan Sofııa Aktaeva, Alena Gnoeva, Nadejda jáne Alına Iskanderovalar kúsh synasty. Bul – Tashkentte ulttyq qurama jeńip alǵan úshinshi medal. Buǵan deıin jekeleı saıysta óner kórsetken jerlesimiz Bogdan Lýkın altynnan alqa taqqan bolatyn.
