Foto: Zakon.kz
Anyqtalǵandaı, Lada markaly avtokólik Úlken Almaty kanalynyń jolymen batys baǵytta bet alǵan. Alaıda kólik joldan shyǵyp, kıývetke ketken, artynsha aǵashqa soǵylǵan. Nátıjesinde kólik tolyǵymen janyp ketken. Aldyn ala málimet boıynsha, qatty soqqynyń áserinen kóliktiń qozǵaltqyshy zaqymdanǵan.
Oqıǵa kýágerleri zardap shekkenderdi kólikten shyǵaryp, alǵashqy kómek kórsetken. Biraq bir jolaýshyny shyǵaryp alý múmkin bolmaǵan.
Jol apaty saldarynan 2002 jáne 2003 jyly týǵan tórt jigit oqıǵa ornynda jan tapsyrdy. Besinshisi jolaýshy oblystyq aýrýhanaǵa jatqyzyldy. Dárigerlerdiń aıtýynsha, zardap shekkenniń jaǵdaıy óte aýyr.
Qazir qaıǵyly oqıǵa bolǵan jerde jol polısııasynyń qyzmetkerleri, anyqtaýshy men krımınalıst jumys istep júr.
