Atyraý oblystyq orman sharýashylyǵy jáne janýarlar dúnıesi ınspeksııasynyń aqparatyna súıensek, bul jóninde Almaly aýylynyń turǵyny habar beripti. Osyǵan baılanysty ınspeksııa mamandary eldi meken mańyna jedel jetip, qanatyn talǵan qustyń sybyrlaq aqqýdyń jas daraǵy ekenin anyqtady.
«Sybyrlaq aqqýdy tabıǵı ortasyna jiberý úshin tekserý júrgizildi. Bul jumysty ınspeksııanyń bas mamandary A.Maratuly men S.Maqý, «Aqjaıyq» memlekettik tabıǵı rezervatynyń ornıtology I.Bofonov atqardy. Tekserý qorytyndysymen qusta eshqandaı jaraqat ta, basqa aýrý túri de bolmady», dep habarlady ınspeksııanyń mamandary.
Dala qusyn qorada ustaýǵa úıretý múmkin emes. Sol sebepten sybyrlaq aqqý tabıǵı ortaǵa jiberildi.
Atyraý oblysy
