Bul shyǵarmada qazirgi adamnyń ishki kúızelisi, jalǵandyqqa toly ómirden sharshaýy jáne rýhanı daǵdarysy beınelenedi. Atalǵan spektakl – adamnyń bolmysyn, janaıqaıyn, shynaıylyq pen jasandylyqtyń arasyn tereń fılosofııalyq turǵyda ashýǵa baǵyttalǵan.
Pesadaǵy oqıǵalar túngi poıyzda órbıdi. Jolaýshylardyń árqaısysy óz taǵdyrymen betpe-bet keledi. Eń qyzyǵy, poıyz saǵaty 21:15 ýaqytynan basqa ýaqytty kórsetpeıdi. Osy oraıda kórermen ishki jan tolǵanystary men psıhologııalyq shıelinister arqyly adam tabıǵatyna úńiledi.
Qoıylymdy qoıýshy rejısser – Mıkaıl Mıkaılov (Ázerbaıjan), qoıýshy sýretshi – Mustafa Mustafaev (Ázerbaıjan), al joba avtory – Dýnaı Espaev (Qazaqstan). Rólderdi Áıgerim Asanova, Dýnaı Espaev, Baýyrjan Nurmaǵambetov syndy akterler somdady.
Qoıylym sońynda Astana qalasy ákimdiginiń Mýzykalyq jas kórermen teatrynyń dırektory Ashat Maemırov «DAT» teatry ujymyna alǵys bildirip, kórermenge tereń oı salǵan qoıylymnyń kórkemdik deńgeıin joǵary baǵalady.
Eýropanyń birtalaı teatr keńistigin zerdelep, batys teatry sahnasynda otyrǵandaı sezimde boldyq. Biz ábden emosıonaldy teatrǵa úırengenbiz, al bul sanaǵa yqpal etetin, ıntellektýaldy dıalog jasaýǵa shaqyratyn rasıonaldy teatr boldy», dedi ol.
Aıta keteıik, spektakldi Qaraǵandy oblysy Mádenıet basqarmasynyń basshysy Ǵalymjan О́tebaı, basqa da óner maıtalmandary kelip kórdi.
Buǵan deıin rejısser Dýnaı Espaev jeti jyl boıy Qaraǵandydaǵy K.Stanıslavskıı atyndaǵy orys drama teatryn basqarǵan. Qazir ol bıyl qurylǵan táýelsiz «DAT» teatrynyń negizin qalaýshy ári kórkemdik jetekshisi retinde jańa shyǵarmashylyq baǵytta eńbek etip keledi.
Jas teatrdyń tusaýkeser qoıylymy retinde usynylǵan «Poıyz 21:15» dramasy kórermen yqylasyna bólenip, teatr ujymynyń aldaǵy shyǵarmashylyq jolyn ashqandaı boldy. Qoıylym – búgingi qoǵamnyń rýhanı ahýalyn kórkemdik turǵyda zerdeleýge umtylǵan máni tereń týyndy retinde este qaldy.
Nurzat AMANTAI,
L.N.Gýmılev atyndaǵy EUÝ-dyń 3-kýrs stýdenti
